ஹஜ் பயணிகளுக்கு மானியம்: ஸ்டாலின் வழங்கினார்

சென்னை: தமிழக அரசு நேற்று வெளியிட்ட செய்திக்குறிப்பு: உலமாக்கள் நலவாரிய உறுப்பினர்களுக்கு மிதிவண்டிகள் வழங்கும் திட்டத்தின்கீழ், ரூ.5.43 கோடியில் 10,583 உலமாக்களுக்கு மிதிவண்டி வழங்கும் திட்டத்தை, தலைமைச் செயலகத்தில் 3 உலமாக்களுக்கு மிதிவண்டிகளை வழங்கி முதல்வர் மு.க.ஸ்டாலின் நேற்று தொடங்கிவைத்தார்.

மேலும், இந்த ஆண்டில் மாநில ஹஜ் குழு மூலம் ஹஜ் பயணம் மேற்கொண்ட 1,649 பயணிகளுக்கு தமிழக அரசு சார்பில் தலாரூ.27,628 வீதம், மொத்தம் ரூ.4.56 கோடி வழங்கப்படுகிறது. அதன்படி, 5 ஹஜ் பயணிகளுக்கு மானியத் தொகைக்கான காசோலைகளை முதல்வர் வழங்கினார். இந்நிகழ்ச்சியில், அமைச்சர் செஞ்சி கே.எஸ்.மஸ்தான், தலைமைச் செயலர் வெ.இறையன்பு, ஹஜ் குழு செயலர் முகமது நசிமுத்தின் உள்ளிட்டோர் கலந்துகொண்டனர்.