Published : 10 Jul 2022 11:47 AM
Last Updated : 10 Jul 2022 11:47 AM

எம்பிஏ, எம்சிஏ படிப்புகளுக்கான மாணவர் சேர்க்கை: தொழில்நுட்ப கல்வி இயக்ககம் அறிவிப்பு

சென்னை: எம்பிஏ, எம்சிஏ படிப்புகளுக்கான மாணவர் சேர்க்கை தொடர்பான அறிவிப்பை தொழில்நுட்ப கல்வி இயக்ககம் வெளியிட்டுள்ளது.

2022-2023 ம் கல்வியாண்டில் அரசு/அரசு உதவி பெறும் பொறியியல் கல்லூரி மற்றும் கலைக் கல்லூரிகள், அண்ணா பல்கலைக் கழகம், வட்டார மையங்கள், அண்ணாமலை பல்கலைக்கழகம், சென்னை பல்கலைக் கழகம், இதர பல்கலைக் கழகங்கள், சுயநிதி பொறியியற் கல்லூரிகள் மற்றும் கலை மற்றும் அறிவியல் கல்லூரிகளில் தொழில்நுட்பக் கல்வி இயக்ககம் மற்றும் கல்லூரிக் கல்வி இயக்ககத்தின் கட்டுப்பாட்டில் இயங்கும் எம்பிஏ மற்றும் எம்சிஏ படிப்புகளில் சேர்க்க விண்ணப்பிக்கலாம் என்று அறிவிக்கப்பட்டுள்ளது.

இதன்படி www.gct.ac.in, www.tn-mbamca.com என்ற இணையதளங்கள் மூலம் விண்ணப்பங்களை சமர்பிக்கலாம். இரண்டு பட்டப்படிப்புகளுக்கும் தனித்தனியாக விண்ணப்பிக்க வேண்டும்.நாளை முதல் ஆகஸ்ட் 5ம் தேதி வரை விண்ணப்பங்களை சமர்பிக்கலாம். கலந்தாய்வு இணையதளம் வாயிலாக மட்டுமே நடைபெறும். மேலும் விவரங்கள் அறிய www.gct.ac.in, www.tn-mbamca.com இணையதள பக்கத்தை பார்க்கலாம் என்று தொழில்நுட் கல்வி இயக்கம் மூலம் அறிவிக்கப்பட்டுள்ளது.



தவறவிடாதீர்!

Sign up to receive our newsletter in your inbox every day!

 
x