Published : 02 Jul 2022 05:03 AM
Last Updated : 02 Jul 2022 05:03 AM

தொழில் புரிய ஏதுவான மாநிலங்களில் தமிழகத்துக்கு 3-வது இடம் - முதல்வர் ஸ்டாலின் வாழ்த்து

சென்னை: தொழில் புரிய ஏதுவான மாநிலங்களுக்கான தரவரிசையில் தமிழகம் 3-வது இடத்தை பெற்றதற்காக தொழில்துறை அமைச்சர், அதிகாரிகளுக்கு முதல்வர் மு.க.ஸ்டாலின் வாழ்த்து தெரிவித்துள்ளார்.

இதுகுறித்து அவர் நேற்று வெளியிட்ட ட்விட்டர் பதிவில், ‘‘தொழில் புரிய ஏதுவான மாநிலங்களுக்கான தரவரிசையில் சிறப்பாக செயல்படும் மாநிலங்களுள் தமிழகம் இடம்பெற்றுள்ளது. புள்ளிகள் அடிப்படையில் பார்த்தால் 14-வது இடத்தில் இருந்து 3-வது இடத்துக்கு தாவியுள்ளோம். தொடர்ச்சியான, திட்டமிட்ட நடவடிக்கைகளால் முதலீடுகளுக்கான முக்கிய மையமாக தமிழகத்தை உயர்த்தியுள்ள தொழில்துறை அமைச்சர் தங்கம் தென்னரசுவுக்கும், துறை அதிகாரிகளுக்கும் எனது பாராட் டுக்கள்’’ என தெரிவித்துள்ளார்.

Sign up to receive our newsletter in your inbox every day!

 
x