கொளத்தூரில் 3 நாள் சுற்றுப்பயணம்: வாக்காளர்களுக்கு நன்றி தெரிவிக்கிறார் ஸ்டாலின்

கொளத்தூர் தொகுதியில் வெற்றி பெற்றுள்ள திமுக பொருளாளர் மு.க.ஸ்டாலின் வாக்காளர்களுக்கு நன்றி தெரிவிப்பதற்காக இன்று முதல் 3 நாட்களுக்கு சுற்றுப் பயணம் மேற்கொள்கிறார்.

சென்னை கொளத்தூர் தொகுதி யில் 2-வது முறையாக போட்டியிட்ட ஸ்டாலின், அதிமுக வேட்பாளர் ஜே.சி.டி. பிரபாகரைவிட 37 ஆயிரத்து 730 வாக்குகள் அதிகம் பெற்று வெற்றி பெற்றார்.

கொளத்தூர் தொகுதி வாக்காளர் களுக்கு நன்றி தெரிவிப்பதற்காக இன்று முதல் 3 நாட்களுக்கு அவர் சுற்றுப்பயணம் செய்கிறார். இன்று (திங்கள்கிழமை) அயனாவரம் பேருந்து நிலையம் தொடங்கி எஸ்.ஆர்.பி. கோயில் வடக்கு தெரு பகுதிகளில் வாக்காளர்களுக்கு நன்றி தெரிவிக்கிறார்.

24-ம் தேதி கொளத்தூர் அண்ணா சாலையில் தொடங்கி அரிதாஸ் தெரு, பஜனை கோயில் தெரு, எஸ்.வி.எம். பாடசாலை தெரு, காமராஜ் தெரு, வசந்தம் நகர், பூம்பு கார் நகர், திருவள்ளுவர் நகர் ஆகிய இடங்களில் வாக்காளர்களுக்கு நன்றி தெரவிக்கிறார். 25-ம் தேதி கொளத்தூர் கோபாலபுரம் சந்திப்பில் தொடங்கி ஆண்டாள் அவென்யூ 1-வது தெரு, காந்திமதி தெரு, மணவாளன் தெரு, வரதராஜன் தெரு, குமரன் நகர் சந்திப்பு. சக்திவேல் நகர், பேப்பர் மில்ஸ் சாலை உள்ளிட்ட பல்வேறு பகுதிகளில் நன்றி தெரிவிக்கிறார்.