1.1 சதவீத வாக்கு வித்தியாசத்தில் ஆட்சி வாய்ப்பை பறிகொடுத்த திமுக

நடந்து முடிந்த சட்டப்பேரவைத் தேர்தலில் 1.1 சதவீதம் அதாவது 4 லட்சத்து 41 ஆயிரத்து 686 வாக்குகள் வித்தியாசத்தில் ஆட்சி அமைக்கும் வாய்ப்பை திமுக பறிகொடுத்துள்ளது.

நடந்து முடிந்த சட்டப்பேரவைத் தேர்தலில் திமுக 89, காங்கிரஸ் 8, இந்திய யூனியன் முஸ்லிம் லீக் 1 என 98 இடங்களில் திமுக கூட்டணி வெற்றி பெற்றுள்ளது.

திமுக அணியில், திமுக 1 கோடியே 36 லட்சத்து 70 ஆயிரத்து 511 வாக்குகள் (31.6 சதவீதம்), காங்கிரஸ் 27 லட்சத்து 74 ஆயிரத்து 75 வாக்குகள் (6.4 சதவீதம்), இந்திய யூனியன் முஸ்லிம் லீக் 3 லட்சத்து 13 ஆயிரத்து 808 வாக்குகள் ( 0.7 சதவீதம்), புதிய தமிழகம் 2 லட்சத்து 19 ஆயிரத்து 830 (0.5 சதவீதம்), மனிதநேய மக்கள் கட்சி 1 லட்சத்து 97 ஆயிரத்து 150 (0.5 சதவீதம்) என மொத்தம் 39.7 சதவீதம் அதாவது 1 கோடியே 71 லட்சத்து 75 ஆயிரத்து 374 வாக்குகளைப் பெற்றுள்ளன.

நூலிழையில் பறிபோனது

அதிமுக அணி 40.8 சதவீதம் அதாவது 1 கோடியே 76 லட்சத்து 17 ஆயிரத்து 60 வாக்குளைப் பெற்றுள்ளது. திமுக கூட்டணியை விட அதிமுக 4 லட்சத்து 41 ஆயிரத்து 646 வாக்குகள் மட்டுமே கூடுதலாக பெற்றுள்ளது. அதாவது 1.1 சதவீத வாக்குகள் வித்தியாசத்தில் ஆட்சி அமைக்கும் வாய்ப்பை திமுக பறிகொடுத்துள்ளது.

திமுகவின் தேர்தல் வரலாறு

திராவிடர் கழகத்திலிருந்து வெளி யேறிய அண்ணா 17-9-1949-ல் திமுகவை தொடங்கினார். 1957 சட்டப்பேரவைத் தேர்தலில் முதல்முறையாக களமிறங்கிய திமுக 15 தொகுதிகளில் வென்றதுடன் 17 லட்சம் வாக்குகளைப் பெற்று அரசியல் அரங்கில் அதிர்வலைகளை ஏற் படுத்தியது.

அதன்பிறகு ஒவ்வொரு தேர்தலிலும் திமுகவின் வெற்றி பயணம் தொடர்ந்தது. 1962-ல் 50 இடங்களில் வென்ற திமுக 27.10 சதவீதம் அதாவது 34 லட்சத்து 35 ஆயிரத்து 633 வாக்குகளைப் பெற்றது.

1967-ல் 40.69 சதவீத வாக்குகளுடன் 137 இடங்களில் வென்ற திமுக காங்கிரஸை வீழ்த்தி முதல் முறையாக ஆட்சியைப் பிடித்தது. 6-3-1967-ல் அண்ணா முதல்வரானார்.

1971 தேர்தலில் கருணாநிதி தலைமை யில் முதல் முறையாக தேர்தலைச் சந்தித்த திமுக 48.58 சதவீதம் வாக்குகளுடன் 184 தொகுதிகளில் வெற்றி பெற்று வரலாற்றுச் சாதனை படைத்தது.

1977-ல் எம்.ஜி.ஆர். தலைமையில் அதிமுக ஆட்சியைப் பிடித்தது. 1977, 1980, 1984 தேர்தல்களில் தொடர்ந்து தோல்வியை சந்தித்தாலும் கணிசமான இடங்களில் வெற்றி பெற்று வலுவான எதிர்கட்சியாக திமுக இருந்தது. எம்.ஜி.ஆர். மறைவுக்குப் பிறகு 1989-ல் 150 இடங்களில் திமுக வெற்றி பெற்று 13 ஆண்டுகளுக்குப் பிறகு ஆட்சி அமைத்தது.

முன்னாள் பிரதமர் ராஜீவ் காந்தி படுகொலைக்குப் பிறகு 1991-ல் நடை பெற்ற தேர்தலில் 22.46 சதவீத வாக்கு களைப் பெற்று திமுக படுதோல்வி அடைந்தது. 1996-ல் 42.07 சதவீத வாக்குகளுடன் 173 இடங்களில் வென்று திமுக ஆட்சி அமைத்தது.

2001-ல் பாஜகவுடன் கூட்டணி அமைத்து ஆட்சியை இழந்த திமுக, 2006-ல் 98 இடங்களில் மட்டுமே வென் றாலும் காங்கிரஸ், பாமக துணையுடன் ஆட்சி அமைத்தது.

2011-ல் 23 இடங்களில் மட்டுமே வெற்றி பெற்று எதிர்கட்சி அந்தஸ்தை இழந்த திமுக 2011 உள்ளாட்சித் தேர்தல், 2014 மக்களவைத் தேர்தல், 2016 சட்டப்பேரவைத் தேர்தல் என தொடர் தோல்விகளைச் சந்தித்து வருகிறது.