மலர்க் கண்காட்சி உதயநிதி ஸ்டாலின் தொடங்கி வைக்கிறார்

சென்னை: சென்னையில் முதல் முறையாக 4 லட்சம் பூக்களுடன் மலர்க் கண்காட்சி இன்று (ஜூன் 3) தொடங்கி 3 நாட்கள் நடைபெறுகிறது. இக்கண்காட்சியை காலை 10.30 மணியளவில் எம்எல்ஏ உதயநிதி ஸ்டாலின் தொடங்கி வைக்கிறார்.

இதுகுறித்து வேளாண் துறை அமைச்சர் எம்.ஆர்.கே.பன்னீர்செல்வம் நேற்று கூறியதாவது:

சென்னையில் முதல் முறையாக கலைவாணர் அரங்கில் தோட்டக்கலைத் துறை சார்பில் மலர்க் கண்காட்சி இன்று (ஜூன் 3) தொடங்கி 3 நாட்கள் நடத்தப்படுகிறது. கண்காட்சியைப் பார்வையிட நுழைவுக் கட்டணமாக ரூ.50 வசூலிக்கப்படும். மாணவர்களுக்கு 50 சதவீதம் கட்டணச் சலுகை வழங்கப்படும்.

இன்று காலை 10.30 மணியளவில் மலர்க் கண்காட்சியை சேப்பாக்கம் - திருவல்லிக்கேணி தொகுதி எம்எல்ஏ உதயநிதி ஸ்டாலின் தொடங்கி வைக்கிறார். 5-ம் தேதி வரை காலை 10 மணிமுதல் இரவு 8 மணிவரை மலர்க் கண்காட்சியை மக்கள் பார்வையிடலாம். இங்கு மலர்களோ, செடிகளோ விற்பனைக்கு கிடையாது. இக்கண்காட்சி சென்னையில் இனி ஆண்டுதோறும் நடத்தப்படும். இவ்வாறு அமைச்சர் பன்னீர்செல்வம் கூறினார்.