மாநிலங்களவைத் தேர்தலுக்கான அதிமுக வேட்பாளர்கள் 4 பேரை அக்கட்சியின் பொதுச்செயலாளரும், முதல்வருமான ஜெயலலிதா அறிவித்துள்ளார்.
மாநிலங்களவையில் தமிழகத்தைச் சேர்ந்த கே.பி.ராமலிங்கம், எஸ்.தங்கவேலு (திமுக), சுதர்சன நாச்சியப்பன் (காங்கிரஸ்), ஏ.நவநீதகிருஷ்ணன், பால் மனோஜ் பாண்டியன், ஏ.டபிள்யூ. ரபி பெர்னார்ட் (அதிமுக) ஆகிய 6 பேரின் பதவிக்காலம் வரும் ஜூன் 29-ல் முடிவடைகிறது. இந்த இடங்களுக்கு ஜூன் 11-ம் தேதி தேர்தல் நடைபெறும் என தேர்தல் ஆணையம் அறிவித்துள்ளது. இதற்கான வேட்புமனு தாக்கல் நேற்று முன்தினம் தொடங்கியது. மே 31-ம் தேதி கடைசி நாளாகும்.
சட்டப்பேரவையில் தற்போது 232 எம்எல்ஏக்கள் உள்ளனர். இந்த எண்ணிக்கையின்படி ஒரு எம்.பி. பதவியைப் பெற 33 எம்எல்ஏக்க ளின் ஆதரவு தேவை. அதன்படி, 134 எம்எல்ஏக்களை கொண்டுள்ள அதிமுகவுக்கு 4 இடங்களும் 89 எம்எல்ஏக்களை வைத்துள்ள திமு கவுக்கு 2 இடங்களும் கிடைப்பது உறுதியாகியுள்ளது.
திமுக சார்பில் அக்கட்சியின் அமைப்புச் செயலாளர் ஆர்.எஸ். பாரதி, செய்தித் தொடர்புச் செயலாளர் டி.கே.எஸ். இளங்கோ வன் ஆகியோர் வேட்பாளர்க ளாக அறிவிக்கப்பட்டுள்ளனர். இந்நிலையில் அதிமுக சார்பில் போட்டியிடும் 4 வேட்பாளர்களின் பெயர்களை ஜெயலலிதா அறிவித் துள்ளார். இது தொடர்பாக அவர் நேற்று வெளியிட்ட அறிக்கையில், ‘நாடாளுமன்ற மாநிலங்களவை தேர்தலில் அதிமுக வழக்கறிஞர் பிரிவு செயலாளர் ஏ.நவநீதகிருஷ் ணன், தஞ்சாவூர் தெற்கு மாவட்டச் செயலாளர் ஆர்.வைத்தி லிங்கம், கன்னியாகுமரி மாவட்ட வழக்கறிஞர் பிரிவு செயலாளர் ஏ.விஜயகுமார், முன்னாள் மத்திய இணை அமைச்சர் எஸ்.ஆர். பாலசுப்பிரமணியன் ஆகியோர் அதிமுக சார்பில் போட்டியிடுவர்’ என தெரிவித்துள்ளார்.
தற்போதைய மாநிலங்கள வை உறுப்பினர் ஏ.நவநீதகிருஷ் ணனுக்கு மீண்டும் வாய்ப்பு கிடைத்துள்ளது. அதேபோல சட்டப்பேரவைத் தேர்தலில் ஒரத் தநாடு தொகுதியில் தோல்வி யடைந்த முன்னாள் அமைச்சர் ஆர்.வைத்திலிங்கம், அண்மை யில் தமாகாவில் இருந்து விலகி அதிமுகவில் இணைந்த எஸ்.ஆர். பாலசுப்பிரமணியன் ஆகியோருக் கும் வாய்ப்பு தரப்பட்டுள்ளது. கன்னியாகுமரி மாவட்டத்தில் இருந்து அதிமுகவுக்கு எம்.பி., எம்எல்ஏக்கள் யாரும் இல்லை. எனவே, கன்னியாகுமரி மாவட்ட வழக்கறிஞர் பிரிவுச் செயலாளர் ஏ.விஜயகுமாருக்கு மாநிலங்களவை உறுப்பினர் வாய்ப்பு வழங்கப்பட்டுள்ளது.