அமிர்தாஞ்சன் நிறுவனத்துக்கு ‘டெக்னோ 2022’ விருது

சென்னை: அமிர்தாஞ்சன் ஹெல்த் கேர் நிறுவனத்துக்கு அகில இந்திய உற்பத்தியாளர்கள் அமைப்பு சார்பில் ‘டெக்னோ 2022’ என்ற சிறந்த கார்ப்பரேட் நிறுவனத்துக்கான விருது வழங்கப்பட்டுள்ளது.

இதுகுறித்து அமிர்தாஞ்சன் ஹெல்த் கேர் நிறுவனம் வெளியிட்டுள்ள செய்திக்குறிப்பு:

அமிர்தாஞ்சன் ஹெல்த் கேர் நிறுவனம் 128 ஆண்டுகள் பழமையான நிறுவனமாகும். இந்நிறுவனம் கரோனா பாதிப்பு காலகட்டத்தில் சிறந்த செயல்திறன் மற்றும் நீடித்த முன்னேற்றத்துடன் செயல்பட்டதால் அகில இந்திய உற்பத்தியாளர் அமைப்பால் (AIMO) சிறந்த கார்ப்பரேட் நிறுவனத்துக்கான ‘டெக்னோ 2022’ விருது வழங்கப்பட்டுள்ளது.

இந்த விருதை தமிழக முதல்வர் மு.க.ஸ்டாலின் வழங்க அமிர்தாஞ்சன் ஹெல்த் கேர் நிறுவன தலைவர் மற்றும் நிர்வாக இயக்குநர் எஸ்.சம்பு பிரசாத் பெற்றுக்கொண்டார். இந்நிகழ்ச்சியில் உயர்கல்வித் துறை அமைச்சர் கே.பொன்முடி, எம்எல்ஏ உதயநிதி ஸ்டாலின், அண்ணா பல்கலைக்கழக சிண்டிகேட் உறுப்பினர்கள் பங்கேற்றனர்.

விருது குறித்து அமிர்தாஞ்சன் ஹெல்த் கேர் நிறுவன தலைவர் மற்றும் நிர்வாக இயக்குநர் எஸ்.சம்பு பிரசாத் கூறும்போது, “இந்த விருது எங்கள் அணியின் திறன்கள் மற்றும் சிறந்த அர்ப்பணிப்புக்கான அங்கீகாரமாகும். எங்கள் வாடிக்கையாளர்களுக்கு உலகத் தரம் வாய்ந்த தயாரிப்புகளை வழங்குவதில் நாங்கள் கவனம் செலுத்துகிறோம். சவாலான சூழ்நிலையில் மகத்தான படைப்பாற்றல், கண்டுபிடிப்புகளை நாங்கள் வெளிப்படுத்தினோம்” என்றார்.