வைகோ பிரச்சார பயணத்தில் மாற்றம்

மதிமுக தலைமை அலுவலகம் நேற்று வெளியிட்ட அறிக்கையில் கூறியிருப்பதாவது:

உளுந்தூர்பேட்டை தொகுதியில் போட்டியிடும் தேமு திக தலைவர் விஜயகாந்த், வரும் 27-ம் தேதி, வேட்புமனு தாக்கல் செய்கிறார். அதனால் அன்றைய தினம், மதிமுக பொதுச்செயலர் வைகோ, உளுந்தூர்பேட்டை தொகுதியில் செய்யவிருந்த பிரச்சார பயணம், ஏப்ரல் 24-ம் தேதிக்கு மாற்றப்பட்டுள்ளது. 24-ம் தேதி காலை 10 முதல் மாலை 6 மணி வரை உளுந்தூர்பேட்டை தொகுதியில் பிரச்சாரம் செய்ய உள்ளார்.

மாலை 6 மணிக்கு மேல் விழுப்புரம், மயிலம், திண்டிவனம், செஞ்சி ஆகிய தொகுதிகளிலும் பிரச்சாரம் செய்ய உள்ளார்.

ஏப்ரல் 24-ம் தேதி அரவக்குறிச்சி, பல்லடம், தாராபுரம், கிணத்துக்கடவு ஆகிய தொகுதிகளில் வைகோ பிரச்சாரம் செய்வதாக அறிவிக்கப் பட்டிருந்தது. அந்த தொகுதிகளில் பிரச்சாரம் வேறு தேதிக்கு மாற்றப்பட்டுள்ளது.

இவ்வாறு அறிக்கையில் கூறப்பட்டுள்ளது.