கும்மிடிப்பூண்டியில் 11-ம் தேதி பிரச்சாரம் தொடங்குகிறார் விஜயகாந்த்: முதல்கட்டமாக 6 நாள் சுற்றுப்பயணம்

தேமுதிக – மக்கள் நலக் கூட்டணி வேட்பாளர்களை ஆதரித்து தேமுதிக தலைவர் விஜயகாந்த், தனது முதல்கட்ட பிரச்சாரத்தை கும்மிடிப்பூண்டியில் 11-ம் தேதி தொடங்குகிறார்.

இது தொடர்பாக தேமுதிக தலைமைக்கழகம் வெளியிட்ட செய்திக்குறிப்பில், ''சட்டப்பேரவை தேர்தலில் தேமுதிக - மக்கள் நலக் கூட்டணி சார்பில் போட்டியிடும் வேட்பாளர்களை ஆதரித்து தேமுதிக தலைவர் விஜயகாந்த், திருவள்ளூர் மாவட்டம் கும்மிடிப்பூண்டியில் 11-ம் தேதி (திங்கள்கிழமை) தனது பிரச்சாரத்தை தொடங்குகிறார்.

அவரது பிரச்சார சுற்றுப்பயண விவரம்:

11-ம் தேதி திங்கள்கிழமை மாலை 4 மணி – கும்மிடிப்பூண்டி பேருந்து நிலையம் (கும்மிடிப்பூண்டி, பொன்னேரி, மாதவரம், திருவொற்றியூர் தொகுதிகள்). மாலை 6 மணி – பெரவள்ளூர் சதுக்கம் (ஆர்.கே.நகர், பெரம்பூர், கொளத்தூர், திரு.வி.க. நகர் (தனி), ராயபுரம் தொகுதிகள்).

12-ம் தேதி மாலை 4 மணி - தாம்பரம் சண்முகம் சாலை (செங்கல்பட்டு, ஸ்ரீபெரும்புதூர் (தனி), பல்லாவரம், தாம்பரம், திருப்போரூர் தொகுதிகள்), மாலை 6 மணி – அம்பத்தூர் (அம்பத்தூர், மதுரவாயல், விருகம்பாக்கம், ஆலந்தூர் தொகுதிகள்), 14-ம் தேதி மாலை 4 மணி – செய்யூர் (உத்திரமேரூர், செய்யூர், மதுராந்தகம் தொகுதிகள்), மாலை 6 மணி –சோழிங்கநல்லூர் (சைதாப்பேட்டை, தியாகராய நகர், மயிலாப்பூர், வேளச்சேரி, சோழிங்கநல்லூர் தொகுதிகள்).

15-ம் தேதி மாலை 4 மணி திருத்தணி (திருத்தணி, திருவள்ளூர், பூந்தமல்லி (தனி), ஆவடி தொகுதிகள்), மாலை 6 மணி – வில்லிவாக்கம் (வில்லிவாக்கம், எழும்பூர், துறைமுகம், சேப்பாக்கம் - திருவல்லிக்கேணி, ஆயிரம் விளக்கு, அண்ணா நகர் தொகுதிகள்), 16-ம் தேதி மாலை 4 மணி – திருப்பத்தூர் (வாணியம்பாடி, ஆம்பூர், ஜோலார்பேட்டை, திருப்பத்தூர், அணைக்கட்டு, கே.வி.குப்பம், குடியாத்தம் தொகுதிகள்), மாலை 6 மணி – ஆற்காடு (அரக்கோணம், சோளிங்கர், ராணிப்பேட்டை, ஆற்காடு, காட்பாடி, வேலூர் தொகுதிகள்).

17-ம் தேதி மாலை 4 மணி – செய்யார் (போளூர், ஆரணி, செய்யார், வந்தவாசி (தனி) தொகுதிகள்), மாலை 6 மணி -திருவண்ணாமலை (செங்கம் (தனி), திருவண்ணாமலை, கீழ்பென்னாத்தூர், கலசப்பாக்கம் தொகுதிகள்) ஆகிய இடங்களில் விஜயகாந்த் பிரச்சாரம் செய்யவுள்ளார்.

இவ்வாறு அதில் கூறப்பட்டுள்ளது.

தேமுதிக - மக்கள் நலக்கூட்டணியின் தேர்தல் சிறப்பு மாநாடு, மாமண்டூரில் நாளை (ஞாயிற்றுக்கிழமை) மாலை நடக்கிறது. விஜயகாந்த பிரச்சாரம் மேற்கொள்ள உள்ளதால், இந்த மாநாட்டில் தேமுதிக மற்றும் ம.ந.கூட்டணி கட்சிகளின் முதல்கட்ட வேட்பாளர் பட்டியல் வெளியிடப்படும் என தெரிகிறது.