சென்னை பெரு நகருக்கான புதிய நகர்ப்புற செயல் திட்டம்: அன்புமணி இன்று உரை

சென்னை பெரு நகருக்கான புதிய நகர்ப்புற செயல்திட்டம் குறித்து அன்புமணி ராமதாஸ் சென்னையில் இன்று உரையாற்றுகிறார்.

பாமகவின் முதல்வர் வேட்பாளராக அறிவிக்கப்பட்டுள்ள அன்புமணி ராமதாஸ் ‘தமிழக வளர்ச்சி பற்றி அன்புமணி’ என்ற தலைப்பில் 7 நாட்கள் 7 நகரங்களில் பொது மக்களுடன் கலந்துரையாடும் நிகழ்ச்சி நடத்தி வருகிறார்.

கடந்த 10-ம் தேதி வேலூரில் சுகாதாரம், 11-ம் தேதி சேலத்தில் மது ஒழிப்பு, 12-ம் தேதி கோயம்புத்தூரில் தொழில் வளர்ச்சி மற்றும் வேலைவாய்ப்பு, 13-ம் தேதி திருச்சியில் வேளாண் புரட்சி, 14-ம் தேதி மதுரையில் ஊழல் ஒழிப்பு, 15-ம் தேதி திருநெல்வேலியில் தரமான கல்வி குறித்து அன்புமணி ராமதாஸ் உரையாற்றினார். பொதுமக்களின் கேள்வி களுக்கு பதில் அளித்தார்.

இந்நிலையில் 7-வது நாளான இன்று மாலை 6 மணிக்கு சென்னை சேப்பாக்கத்தில் உள்ள அண்ணா அரங்கத்தில் ‘சென்னை பெரு நகருக்கான புதிய நகர்ப்புற செயல்திட்டம் குறித்து அன்புமணி’ என்ற தலைப்பில் அன்பு மணி ராமதாஸ் உரையாற்றவுள்ளார். தொடர்ந்து பொதுமக்கள் எழுப்பும் கேள்வி களுக்கு பதில் அளிக்கிறார்.