திமுக-காங்கிரஸ் தொகுதி பங்கீடு 2 நாளில் முடிவாகும்

திமுகவுடன் இன்னும் 2 நாட்களில் தொகுதிப் பங்கீடு முடிவாகிவிடும் என்று தமிழக காங்கிரஸ் தலைவர் ஈவிகேஎஸ் இளங்கோவன் கூறியுள்ளார்.

சென்னை தி.நகரில் புத்தக வெளியீட்டு விழாவில் அவர் கலந்துகொண்டார். பின்னர் நிருபர்களிடம் அவர் கூறிய தாவது:

திமுக - காங்கிரஸ் இடையே தொகுதிப் பங்கீடு பேச்சுவார்த்தை சுமுகமாக நடந்து வருகிறது. காங்கிரஸ் எத்தனை தொகுதிகளில் போட்டியிடும், எந்தெந்த தொகுதிகளை பெறும் என்பது இன்னும் 2 நாட்களில் முடிவாகும். இந்தத் தேர்தலில் திமுக - காங்கிரஸ் கூட்டணி மிகப் பெரிய வெற்றி பெறும்.

கூட்டணி அமைப்பதற்காக தேமுதிகவுக்கு திமுக ரூ.500 கோடி கொடுக்க முன்வந்ததாக மதிமுக பொதுச் செயலாளர் வைகோ கூறிய கருத்து ஆதாரமற்றது.

இவ்வாறு இளங்கோவன் கூறினார்.