Published : 04 Aug 2021 16:16 pm

Updated : 04 Aug 2021 16:16 pm

 

Published : 04 Aug 2021 04:16 PM
Last Updated : 04 Aug 2021 04:16 PM

ஆக.7 முதல் கனமழைக்கு வாய்ப்பு: வானிலை ஆய்வு மையம் அறிவிப்பு

chance-of-heavy-rain-from-aug-7-meteorological-center-announcement

ஆகஸ்ட் 7-ம் தேதி முதல் நீலகிரி, கோயம்புத்தூர்‌, தேனி, திண்டுக்கல்‌ மாவட்டங்களில்‌ கனமழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

இதுகுறித்து சென்னை வானிலை ஆய்வு மைய இயக்குநர் முனைவர்‌ புவியரசன்‌ இன்று வெளியிட்டுள்ள செய்திக்குறிப்பு:


''தென்மேற்குப் பருவக்காற்று மற்றும்‌ வெப்பச் சலனம்‌ காரணமாகத் தமிழ்நாட்டில்‌,

04.08.2021 & 05.08.2021:

நீலகிரி, கோயம்புத்தூர்‌, சேலம்‌ மாவட்டங்கள்‌, கடலோர மாவட்டங்கள்‌ மற்றும்‌ புதுவை, காரைக்கால்‌ பகுதிகளில்‌ ஓரிரு இடங்களில்‌ லேசான மழை பெய்யக்கூடும்‌. ஏனைய மாவட்டங்களில்‌ பெரும்பாலும்‌ வறண்ட வானிலை நிலவக்கூடும்‌.

06.08.2021:

மேற்குத்தொடர்ச்சி மலையை ஒட்டிய (நீலகிரி, கோயம்புத்தூர்‌, திருப்பூர்‌, திண்டுக்கல்‌, தேனி, தென்காசி) மாவட்டங்களில்‌ ஓரிரு இடங்களில்‌ மிதமான மழையும்‌, கடலோர மாவட்டங்களில்‌ ஓரிரு இடங்களில்‌ இடி மின்னலுடன்‌ கூடிய லேசானது முதல்‌ மிதமான மழையும்‌ பெய்யக்கூடும்‌. ஏனைய மாவட்டங்களில்‌ பெரும்பாலும்‌ வறண்ட வானிலை நிலவக்கூடும்‌.

07.08.2021 & 08.08.2021:

நீலகிரி, கோயம்புத்தூர்‌, தேனி, திண்டுக்கல்‌ மாவட்டங்களில்‌ ஓரிரு இடங்களில்‌ கனமழையும்‌, ஏனைய மேற்குத்தொடர்ச்சி மலையை ஒட்டிய (திருப்பூர்‌, தென்காசி) மாவட்டங்களில்‌ ஓரிரு இடங்களில்‌ மிதமான மழையும்‌, கடலோர மாவட்டங்கள்‌ மற்றும்‌ அதனை ஒட்டிய உள்‌மாவட்டங்கள்‌, புதுவை, காரைக்கால்‌ பகுதிகளில்‌ ஓரிரு இடங்களில்‌ இடி மின்னலுடன்‌ கூடிய லேசானது முதல்‌ மிதமான மழையும்‌ பெய்யக்கூடும்‌.

சென்னை நிலவரம்

சென்னையைப் பொறுத்தவரை அடுத்த 48 மணி நேரத்குற்கு வானம்‌ ஓரளவு மேகமூட்டத்துடன்‌ காணப்படும்‌. நகரின்‌ ஒருசில பகுதிகளில்‌ லேசான மழை பெய்யக்கூடும்‌. அதிகபட்ச வெப்பநிலை 36 மற்றும்‌ குறைந்தபட்ச வெப்பநிலை 27 டிகிரி செல்சியஸை ஒட்டி இருக்கும்‌.

மீனவர்களுக்கான எச்சரிக்கை :

அரபிக்கடல்‌ பகுதிகள்‌:

04.08.2021 முதல்‌ 08.08.2021 வரை:

தென்‌மேற்கு, வடக்கு மற்றும்‌ மத்துய மேற்கு அரபிக் கடல்‌ பகுதிகளில்‌ பலத்த காற்று மணிக்கு 50 முதல்‌ 60 கிலோ மீட்டர்‌ வேகத்திலும்‌ இடையிடையே 70 கிலோ மீட்டர்‌ வேகத்திலும்‌ வீசக்கூடும்‌. மீனவர்கள்‌ இப்பகுதிகளுக்குச் செல்ல வேண்டாமென அறிவுறுத்தப்‌படுகிறார்கள்''‌.

இவ்வாறு அந்தச் செய்திக்குறிப்பில் தெரிவிக்கப்பட்டுள்ளது.


தவறவிடாதீர்!

கனமழைக்கு வாய்ப்புவானிலை ஆய்வு மையம்வானிலைHeavy rainதென்மேற்கு பருவக்காற்றுவெப்பச்சலனம்‌பருவ மழைஅரபிக்கடல்‌ பகுதிகள்‌கனமழை

Sign up to receive our newsletter in your inbox every day!

More From This Category

More From this Author

x