Published : 24 Jul 2021 03:12 am

Updated : 24 Jul 2021 05:04 am

 

Published : 24 Jul 2021 03:12 AM
Last Updated : 24 Jul 2021 05:04 AM

செங்கல்பட்டு, வேலூர், சென்னை அரசு மருத்துவமனைகளில் 19 பேர் ஆக்சிஜன் பற்றாக்குறையால் இறக்கவில்லை: ஓபிஎஸ் குற்றச்சாட்டுக்கு அமைச்சர் மா.சுப்பிரமணியன் பதில்

ma-subramanian

சென்னை

செங்கல்பட்டு, வேலூர், சென்னை அரசு மருத்துவமனைகளில் நிகழ்ந்த 19 பேரின் உயிரிழப்புக்கு ஆக்சிஜன் பற்றாக்குறை காரணம் இல்லை என்று சுகாதாரத் துறை அமைச்சர் மா.சுப்பிரமணியன் தெரிவித்தார்.

கடந்த 21-ம் தேதி சென்னை தலைமைச் செயலகத்தில் அமைச்சர் மா.சுப்பிரமணியனிடம் செய்தியாளர்கள் கேள்வி எழுப்பியபோது, தமிழகத்தில் ஆக்சிஜன் பற்றாக்குறையால் ஒருவர்கூட உயிரிழக்கவில்லை என தெரிவித்தார்.


அதிமுக ஒருங்கிணைப்பாளர் ஓ.பன்னீர்செல்வம் நேற்று முன்தினம் வெளியிட்ட அறிக்கையில், ‘மே 7-ம் தேதி பிரதமருக்கு முதல்வர் ஸ்டாலின் எழுதிய கடிதத்தில், தமிழகம் ஆக்சிஜன் நெருக்கடியில் சிக்கித் தவிப்பதாகவும், ஆக்சிஜன் பற்றாக்குறையால் 2 நாள் முன்பு செங்கல்பட்டில் 13 பேர் எதிர்பாராத விதமாக இறந்துவிட்டதாகவும் குறிப்பிட்டுள்ளார். இது உண்மையா, அமைச்சர் மா.சுப்பிரமணியன் கூறுவது உண்மையா?’ என்று கேள்வி எழுப்பியிருந்தார்.

சென்னையில் நேற்று இதுபற்றிகேட்டபோது, அமைச்சர் மா.சுப்பிரமணியன் கூறியதாவது:

நான் சொன்னது உண்மைதான்

தமிழகத்தில் ஆக்சிஜன் பற்றாக்குறையால் ஒருவர்கூட இறக்கவில்லை என்று நான் சொன்னதுஉண்மைதான். திமுக அரசு பொறுப்பேற்ற பிறகு, ஆக்சிஜன் பற்றாக்குறையால் உயிரிழப்பு இல்லை என்றுதான் கூறினேன்.

கடந்த மே 7-ம் தேதி பிரதமருக்கு தமிழக முதல்வர் ஸ்டாலின் எழுதிய கடிதத்தில், ‘தமிழகத்தில் ஆக்சிஜன் பற்றாக்குறை உள்ளது.2 நாட்களுக்கு முன்பு செங்கல்பட்டு அரசு மருத்துவக் கல்லூரிமருத்துவமனையில் 13 பேர் உயிரிழந்துள்ளனர் என்று தெரிவித்துள்ளார்.

இந்த சம்பவம் மே 4-ம் தேதிஇரவு நடைபெற்றுள்ளது. அப்போது, அதிமுக ஆட்சிதான் இருந்தது. அதே அதிமுக ஆட்சியில்தான் கடந்த ஏப்ரல் 6-ம் தேதி சென்னைராஜீவ்காந்தி அரசு மருத்துவமனையில் 2 பேரும், 19-ம் தேதிவேலூர் அரசு மருத்துவமனையில் 4 பேரும் இறந்துள்ளனர்.

இந்த இறப்புகள் எல்லாம் ஆக்சிஜன் பற்றாக்குறையால் நடக்கவில்லை. ஆக்சிஜன் குழாய் பழுதுஉள்ளிட்ட தொழில்நுட்ப பிரச்சினைகளால் இறப்பு ஏற்பட்டுள்ளது.

இந்த 3 சம்பவங்களும் அதிமுக ஆட்சியில்தான் நடை பெற்றன. திமுக ஆட்சியில் நடைபெறவில்லை.

இவ்வாறு அவர் கூறினார்.


செங்கல்பட்டு வேலூர் சென்னை அரசு மருத்துவமனைஆக்சிஜன் பற்றாக்குறைஅமைச்சர் மா.சுப்பிரமணியன்ஓபிஎஸ் குற்றச்சாட்டுமா.சுப்பிரமணியன் பதில்Ma subramanian

Sign up to receive our newsletter in your inbox every day!

More From This Category

More From this Author

x