நெல்லை, கோவைக்கு மார்ச் 6, 8-ல் சிறப்பு ரயில்கள்: தெற்கு ரயில்வே அறிவிப்பு

கூட்ட நெரிசலை குறைப்பதற்காக சென்னையில் இருந்து திருநெல்வேலி மற்றும் கோவைக்கு சுவிதா சிறப்பு ரயில்கள் அறிவிக்கப்பட்டுள்ளன.

இது தொடர்பாக தெற்கு ரயில்வே நேற்று வெளியிட்டுள்ள செய்திக்குறிப்பில் கூறியிருப்பதாவது:

திருநெல்வேலியில் இருந்து அடுத்த மாதம் 8-ம் தேதி மதியம் 2.45 - க்கு புறப்படும் சுவிதா சிறப்பு ரயில் (00651) மறுநாள் அதிகாலை 4.20-க்கு சென்னை எழும்பூரை வந்தடையும். இந்த சிறப்பு ரயில் கோவில்பட்டி, விருதுநகர், மதுரை, திண்டுக்கல் மற்றும் திருச்சிராப்பள்ளி ஆகிய இடங்களில் நின்று செல்லும்.

சென்னை சென்ட்ரலில் இருந்து அடுத்த மாதம் 6-ம் தேதி இரவு 10.30-க்கு புறப்படும் சுவிதா சிறப்பு ரயில் (00648) மறுநாள் காலை 6.40-க்கு கோவையை சென்றடையும். இந்த சிறப்பு ரயில் காட்பாடி, ஜோலார்பேட்டை, சேலம், ஈரோடு மற்றும் திருப்பூர் ரயில் நிலையங்களில் நின்று செல்லும். மேற்கண்ட சிறப்பு ரயில்களுக்கான முன்பதிவு தொடங்கியுள்ளது.

இவ்வாறு அதில் கூறப்பட்டுள்ளது.