Published : 16 Jul 2021 19:03 pm

Updated : 16 Jul 2021 19:03 pm

 

Published : 16 Jul 2021 07:03 PM
Last Updated : 16 Jul 2021 07:03 PM

புதுச்சேரியில் புதிதாக 104 பேருக்கு கரோனா: மேலும் 2 பேர் உயிரிழப்பு

puducherry-corona-update

புதுச்சேரி

புதுச்சேரியில் புதிதாக 104 பேருக்கு கரோனா தொற்று உறுதி செய்யப்பட்ட நிலையில், மேலும் 2 பேர் சிகிச்சை பலனின்றி உயிரிழந்துள்ளனர்.

இது குறித்து புதுச்சேரி சுகாதாரத்துறை செயலர் அருண் இன்று(ஜூலை 16) வெளியிட்ட தகவலில், ‘‘புதுச்சேரி மாநிலத்தில் 6,119 பேருக்கு கரோனா பரிசோதனை செய்யப்பட்டது. இவற்றில் புதுச்சேரியில்- 87, காரைக்காலில்-7, மாஹேவில்- 10 பேர் என மொத்தம் 104 (1.70 சதவீதம்) பேருக்கு கரோனா தொற்று உறுதி செய்யயப்பட்டுள்ளது. ஏனாமில் யாருக்கும் பாதிப்பில்லை.


இதனால் மாநிலத்தில் கரோனாவால் பாதிக்கப்பட்டோரின் எண்ணிக்கை 1 லட்சத்து 19 ஆயிரத்து 509 ஆக அதிகரித்துள்ளது. இதில் தற்போது மருத்துவமனைகளில் 193 பேரும், வீடுகளில் தனிமைப்படுத்தப்பட்ட நிலையில் 1,055 பேரும் என மாநிலம் முழுவதும் மொத்தம் 1,248 பேர் சிகிச்சையில் உள்ளனர்.

புதுச்சேரியில் மேலும் 2 பேர் சிகிச்சை பலனின்றி உயிரிழந்துள்ளனர். இதனால் உயிரிழந்தோர் எண்ணிக்கை 1,775 ஆகவும், இறப்பு விகிதம் 1.49 சதவீதமாகவும் உள்ளது. இதனிடையே புதிதாக 161 பேர் சிகிச்சை முடிந்து வீடு திரும்பியுள்ளனர். இதனால் குணமடைந்தோரின் எண்ணிக்கை 1 லட்சத்து 16 ஆயிரத்து 486 (97.47 சதவீதம்) ஆக உயர்ந்துள்ளது.

இதுவரை 14 லட்சத்து 13 ஆயிரத்து 400 பேருக்கு பரிசோதனை செய்ததில் 12 லட்சத்து 7 ஆயிரத்து 165 பேருக்கு தொற்று இல்லை என முடிவு வந்துள்ளது. மேலும், 6 லட்சத்து 26 ஆயிரத்து 24 பேருக்கு (2வது தவணை உள்பட) தடுப்பூசி செலுத்தப்பட்டுள்ளது" இவ்வாறு அதில் தெரிவிக்கப்பட்டுள்ளது.

9 குழந்தைகளுக்கு கரோனா:

புதுச்சேரியில் தற்போது வரை கரோனா அறிகுறிகளுடன் மருத்துவமனைகளில் அனுமதிக்கப்பட்டுள்ள 13 குழந்தைகளுக்கு பரிசோதனை மேற்கொண்டதில், 9 குழந்தைகளுக்கு கரோனா தொற்று உறுதி செய்யப்பட்டுள்ளது. இதில் 1 முதல் 5 வயதுக்குட்பட்ட 7 குழந்தைகளும், 5 வயதுக்கு மேற்பட்ட 2 குழந்தைகளும் அடங்குவர்.

இதே போல, கரோனா உறுதி செய்யப்பட்ட தாயுடன் அனுமதிக்கப்பட்டுள்ள 4 பச்சிளங்குழந்தைகளும் உள்ளனர். இவர்கள் அனைவரும் புதுச்சேரி கதிர்காமம் அரசு மருத்துவக்கல்லூரி பிரத்யேக கரோனா குழந்தைகள் நலப் பிரிவில் சிகிச்சை பெற்று வருகின்றனர்.


தவறவிடாதீர்!

புதுச்சேரிகரோனாகரோனா வைரஸ்தொற்றுOne minute news

Sign up to receive our newsletter in your inbox every day!

More From This Category

More From this Author

x