Published : 14 Jul 2021 03:13 am

Updated : 14 Jul 2021 06:41 am

 

Published : 14 Jul 2021 03:13 AM
Last Updated : 14 Jul 2021 06:41 AM

டிஎன்பிஎஸ்சிக்கு புதிதாக பாதிரியார் உட்பட 4 உறுப்பினர்கள் நியமனம்

tnpsc

சென்னை

தமிழ்நாடு அரசு பணியாளர் தேர்வாணையத்தில் (டிஎன்பிஎஸ்சி) ஒரு தலைவர், 14 உறுப்பினர்கள் இருக்க வேண்டும். தற்போது இதன் தலைவராக ஓய்வுபெற்ற ஐஏஎஸ் அதிகாரி க.பாலசந்திரன் உள்ளார். பி.கிருஷ்ணகுமார், ஏ.வி.பாலுசாமி ஆகிய 2 பேர் மட்டும் உறுப்பினர்களாக உள்ளனர். 12 உறுப்பினர் பதவி காலியாக இருந்தது.

இந்நிலையில், தற்போது புதிதாக 4 பேர் உறுப்பினர்களாக நியமிக்கப்பட்டுள்ளனர். இதுதொடர்பாக தமிழக மனிதவள மேலாண்மைத் துறை செயலர் மைதிலி கே.ராஜேந்திரன் நேற்று வெளியிட்ட அரசாணை:


டிஎன்பிஎஸ்சி உறுப்பினர்களாக கீழ்க்கண்ட நபர்களை தமிழக ஆளுநர் நியமித்துள்ளார். அவர்கள் விவரம்: ஐஏஎஸ் அதிகாரி எஸ்.முனியநாதன் (தற்போது தொழிலாளர் நலஆணையர்), பேராசிரியர் கே.ஜோதி சிவஞானம் (சென்னை பல்கலைக்கழக பொருளாதார துறை தலைவர்), முனைவர் கே.அருள்மதி (சென்னை), அருட்தந்தை ஏ.ராஜ் மரியசூசை (டான் போஸ்கோ,ஏற்காடு).இவர்கள் பதவி ஏற்கும் நாளில் இருந்து 6 ஆண்டுகள் அல்லது 62 வயது வரை இதில் எது முதலில் வருகிறதோ அதுவரை பதவியில் இருப்பார்கள்.

இவ்வாறு அதில் கூறப்பட்டுள்ளது.

பாதிரியார் ஒருவர் உறுப்பினராக நியமிக்கப்படுவது டிஎன்பிஎஸ்சி வரலாற்றில் இதுவே முதல்முறை. காலியாக உள்ள 8 உறுப்பினர் பதவியும் விரைவில் நிரப்பப்பட உள்ளது.


டிஎன்பிஎஸ்சிபாதிரியார்4 உறுப்பினர்கள் நியமனம்TNPSCதமிழ்நாடு அரசு பணியாளர் தேர்வாணையம்ஐஏஎஸ் அதிகாரி க.பாலசந்திரன்அருட்தந்தை ஏ.ராஜ் மரியசூசை

Sign up to receive our newsletter in your inbox every day!

More From This Category

More From this Author

x