தமாகா தலைவர் ஜி.கே.வாசன் ஈரோட்டில் செய்தியாளர்களிடம் கூறியதாவது: குடியரசு தினத்தில்நாட்டின் மதிப்பை பாதிக்கும் வகையில் சில சமூகவிரோத சக்திகள் டெல்லியில் வன்முறையில் ஈடுபட்டுள்ளன. சிலரின் தூண்டுதலின் பெயரால் டெல்லியில் ஒரு சில மாநிலத்தைச் சேர்ந்த விவசாயிகள் போராட்டத்தை தொடர்கின்றனர்.
தேர்தலுக்கு 3 மாதம் இருக்கும்போது, பொதுமக்களிடம் இருந்து மனுக்களைப் பெறுவதாக திமுக தலைவர் அறிவித்திருப்பது, வாக்காளர்களிடம் வியப்பை ஏற்படுத்தியுள்ளது. இது தேர்தலுக்காக நடத்தப்படும் நாடகம். சசிகலா விடுதலை, அதிமுக கூட்டணியின் வெற்றியை எந்த விதத்திலும் பாதிக்காது. அதிமுக கூட்டணியின் வெற்றி பிரகாசமாக உள்ளது என்றார்.