Published : 12 Jan 2021 03:13 am

Updated : 12 Jan 2021 07:36 am

 

Published : 12 Jan 2021 03:13 AM
Last Updated : 12 Jan 2021 07:36 AM

நெல்லை, தூத்துக்குடி உள்ளிட்ட 7 மாவட்டங்களில் இன்று மிக கனமழை பெய்ய வாய்ப்பு

rain-in-tn

சென்னை

தமிழகத்தில் தென் மாவட்டங்களில் இன்று பரவலாக மழை பெய்ய வாய்ப்புள்ளது. மேலும் திருநெல்வேலி, தூத்துக்குடி, ராமநாதபுரம், விருதுநகர், தேனி, திண்டுக்கல், கன்னியாகுமரி ஆகிய 7 மாவட்டங்களில் மிக கனமழை பெய்யக் கூடும் என்று வானிலை ஆய்வு மையம் தெரிவித்துள்ளது.

இதுதொடர்பாக சென்னை வானிலை ஆய்வு மைய இயக்குநர் நா.புவியரசன் நேற்று செய்தியாளர்களிடம் கூறியதாவது:


இலங்கை மற்றும் குமரிக் கடல் பகுதியை ஒட்டி வளிமண்டல மேலடுக்கு சுழற்சி நிலவுகிறது. அதன் காரணமாக 12-ம்தேதி தென் தமிழகத்தில் பெரும்பாலான இடங்களில் மிதமான மழை பெய்யக் கூடும். நெல்லை,தூத்துக்குடி, ராமநாதபுரம், விருதுநகர், தேனி, திண்டுக்கல், கன்னியாகுமரி ஆகிய 7 மாவட்டங்களில் ஓரிரு இடங்களில் கன முதல் மிகக் கனமழை பெய்ய வாய்ப்புள்ளது. மேலும் மதுரை, புதுக்கோட்டை, சிவகங்கை மாவட்டங்களில் ஓரிரு இடங்களில் கன மழை பெய்யக் கூடும்.இதர மாவட்டங்களில் மிதமான மழை பெய்யும்.

13-ம் தேதி தென் தமிழகத்தில் ஒருசில இடங்களில் மிதமான மழையும், நெல்லை, தூத்துக்குடி ராமநாதபுரம் ஆகிய மாவட்டங்களில் ஓரிரு இடங்களில் கன மழையும் பெய்யக் கூடும். அதேபோல், 14, 15-ம் தேதிகளில் தென் மாவட்டங்களில் ஓரிரு இடங்களில் லேசானது முதல் மிதமான மழை பெய்ய வாய்ப்புள்ளது.

சென்னை, புறநகர் பகுதிகளில்வானம் மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக் கூடும்.

11-ம் தேதி காலை 8.30 மணியுடன் நிறைவடைந்த 24 மணி நேரத்தில் அதிகபட்சமாக கடலூர்மாவட்டம் புவனகிரியில் 11 செமீ,பரங்கிப்பேட்டையில் 9 செமீ, ராமநாதபுரம், திருவாரூர் மாவட்டம்குடவாசல் ஆகிய இடங்களில் தலா 6 செமீ மழை பதிவாகியுள்ளது. இவ்வாறு அவர் கூறினார்.


நெல்லை தூத்துக்குடிகனமழைகனமழை பெய்ய வாய்ப்புRain in TN

Sign up to receive our newsletter in your inbox every day!

You May Like

More From This Category

More From this Author

x