தென்னிந்திய நடிகர் சங்கத் தேர்தலில் வெற்றி பெற்ற அணியினருக்கு திமுக தலைவர் கருணாநிதி தனது வாழ்த்துகளை தெரிவித்துள்ளார்.
இது தொடர்பாக அவர் வெளியிட்ட அறிக்கையில், "மிகுந்த பரபரப்போடு நடைபெற்ற தென்னிந்திய நடிகர் சங்கத் தேர்தலில் வெற்றி பெற்ற அனைவருக்கும் என் வாழ்த்துகளைத் தெரிவித்துக் கொள்கிறேன்.
தேர்தல் முடிந்து விட்டது. இனி வெற்றி பெற்றவர்களும், வெற்றி வாய்ப்பை இழந்தவர்களும் வேற்றுமைகளை மறந்து, ஒற்றுமையோடு இருந்து நடிகர் சங்கத்தின் வளர்ச்சிக்காகப் பாடுபட வேண்டுமென்று விரும்புகிறேன்" என அவர் கூறியுள்ளார்.
