Published : 29 Dec 2020 03:16 am

Updated : 29 Dec 2020 11:07 am

 

Published : 29 Dec 2020 03:16 AM
Last Updated : 29 Dec 2020 11:07 AM

முன்னாள் முதல்வர் கருணாநிதி ஆட்சியில் மினி சூப்பர் மார்க்கெட் போல் ரேஷன் கடைகள் செயல்பட்டன: திமுக முன்னாள் அமைச்சர் எ.வ.வேலு பெருமிதம்

ration-shops
தமிழக அமைச்சர்களுக்கு எதிரான குற்றச்சாட்டு குறித்து அச்சடிக்கப்பட்ட துண்டு பிரசுரங்களை பொதுமக்களிடம் வழங்கிய முன்னாள் அமைச்சர் எ.வ.வேலு.

திருவண்ணாமலை

முன்னாள் முதல்வர் கருணாநிதி ஆட்சியில், மினி சூப்பர் மார்க்கெட் போல் ரேஷன் கடைகள் செயல்பட்டன என திமுக முன்னாள் அமைச்சர் எ.வ.வேலு தெரிவித்தார்.

திமுக சார்பில் அதிமுகவை “நிராகரிக்கிறோம’’ என்ற தலைப்பில் திருவண்ணாமலை சகாய நகரில் நேற்று முன்தினம் மாலை பிரச்சாரம் நடைபெற்றது.


முன்னாள் அமைச்சர் எ.வ.வேலு சிறப்புரையாற்றினார். அப்போது அவர் பேசும்போது, “இந்தியாவிலேயே தமிழகத்தில் மட்டும்தான் அனைவருக்கும் ரேஷன் பொருட்கள் என்ற நிலையை முன்னாள் முதல்வர் கருணாநிதி உருவாக்கினார். இதனை, அனைத்து மாநிலங்களும் பின்பற்ற வேண்டுமென உச்ச நீதிமன்றம் கூறியது. துவரம் பருப்பு விலை உயர்ந்துபோது மக்களுக்கு சுமை ஏற்பட்டது.

இதையறிந்த கருணாநிதி, ரேஷன் கடைகள் மூலம் குறைந்த விலையில் துவரம் பருப்பு, உளுத்தம் பருப்பு, பாமாயில் வழங்க உத்தரவிட்டார். மசாலாப் பொருட்களை பாக்கெட்டுகளில் தயார் செய்து வழங்கப்பட்டது. கருணாநிதி ஆட்சியில், ரேஷன் கடைகள் அனைத்தும் மினி சூப்பர் மார்க்கெட் போல் செய்யப்பட்டது.

இப்போதைய ஆட்சியாளர்கள் உளுத்தம் பருப்பு வழங்க மறுக்கிறார்கள்” என்றார்.


முன்னாள் முதல்வர்கருணாநிதி ஆட்சிகருணாநிதிமினி சூப்பர் மார்க்கெட்ரேஷன் கடைகள்Ration shopsதிமுகமுன்னாள் அமைச்சர்எ.வ.வேலு

Sign up to receive our newsletter in your inbox every day!

You May Like

More From This Category

More From this Author

x