Published : 21 Nov 2020 15:20 pm

Updated : 21 Nov 2020 15:20 pm

 

Published : 21 Nov 2020 03:20 PM
Last Updated : 21 Nov 2020 03:20 PM

தேர்தல் அறிக்கை தயாரிக்கும் குழு 3-ம் கட்ட சுற்றுப் பயணம்: திமுக அறிவிப்பு

election-manifesto-committee-phase-3-tour-dmk-announcement

சென்னை

சட்டப்பேரவை தேர்தல் - 2021 தி.மு.க. தேர்தல் அறிக்கை தயாரிக்கும் குழு 3-ம் கட்ட சுற்றுப்பயணம் குறித்தும், குழுவிடம் தமிழகத்துக்கான கோரிக்கையை அளிக்கும்படி திமுக தலைமை கோரிக்கை வைத்துள்ளது.

இதுகுறித்து திமுக சார்பில் இன்று வெளியிட்ட செய்திக்குறிப்பு:


“2021-ல் நடைபெற உள்ள தமிழக சட்டப்பேரவைப் பொதுத் தேர்தலையொட்டி திமுக தேர்தல் அறிக்கை தயாரிக்கும் பணியில் ஈடுபட்டுள்ள ஒருங்கிணைப்பாளர் டி.ஆர்.பாலு தலைமையிலான குழுவினரிடம் தேர்தல் அறிக்கையில் இடம்பெற வேண்டிய பொது அம்சங்கள் மற்றும் தங்கள் மாவட்டங்களைச் சார்ந்த பொதுநலச் சங்கங்கள் - வணிக அமைப்புகள் - இளைஞர்கள் - விவசாய அமைப்புகள் - தொழிலாளர் அமைப்புகள் - தோழமை இயக்கத்தினர் மற்றும் பொதுமக்களின் நலன் விழையும் அமைப்புகளுக்கும் உரிய முறையில் அழைப்புகள் அளித்து, அந்தந்த பகுதிகளில், அந்த அமைப்புகளின் நிர்வாகிகள் - உறுப்பினர்கள் சந்திக்கும் பிரச்சினைகள் குறித்தும், அந்த துறைகளில் உள்ள பொதுவான பிரச்சினைகள் குறித்தும், அதற்கான தீர்வுகள் குறித்தும் நேரில் தெரிவிக்க கீழே அட்டவணையில் குறிப்பிட்டுள்ள தேதிகளில் தங்கள் கோரிக்கைகளை தேர்தல் அறிக்கை தயாரிக்கும் குழுவினரிடம் வழங்கிட வேண்டுமென கேட்டுக் கொள்ளப்படுகிறார்கள்.

தி.மு .க. தேர்தல் அறிக்கை தயாரிக்கும் குழு 3-ம் கட்ட சுற்றுப்பயண விவரம்

டிசம்பர்-4 மாலை 4.00 மணி - கடலூர் கிழக்கு கடலூர் மேற்கு

டிசம்பர்-5 காலை 9.00 மணி - நாகை வடக்கு நாகை தெற்கு மாலை 4.00 மணி - திருவாரூர்

டிசம்பர்-6 காலை 9.00 மணி - தஞ்சை வடக்கு தஞ்சை மத்திய தஞ்சை தெற்கு மாலை 4.00 மணி - புதுக்கோட்டை வடக்கு புதுக்கோட்டை தெற்கு டிசம்பர்-7 காலை 9.00 மணி - திருச்சி வடக்கு திருச்சி தெற்கு திருச்சி மத்தி. மாலை 4.00 மணி - அரியலூர் பெரம்பலூர்

குறிப்பு : காலை நிகழ்ச்சிகள் அனைத்தும் சரியாக 9 மணிக்கும், மாலை நிகழ்ச்சிகள் அனைத்தும் சரியாக 4 மணிக்கும் தொடங்கப்படும்.

மேற்கண்டவாறு, மாவட்ட வாரியாக சுற்றுப்பயணம் மேற்கொள்ளும் கட்சி தேர்தல் அறிக்கை தயாரிக்கும் குழுவின் சுற்றுப்பயண விவரத்தையும் - கோரிக்கை மனுக்கள் பெறும் இடத்தையும் விளம்பரம் செய்திட வேண்டும் என மாவட்டச் செயலாளர்/ பொறுப்பாளர்கள் கேட்டுக் கொள்ளப்படுகிறார்கள்”.

இவ்வாறு அதில் தெரிவிக்கப்பட்டுள்ளது.

தவறவிடாதீர்!

Election Manifesto CommitteePhase 3 TourDMKAnnouncementதேர்தல் அறிக்கைதயாரிக்கும் குழு3-ம் கட்ட சுற்றுப் பயணம்திமுகஅறிவிப்பு

Sign up to receive our newsletter in your inbox every day!

You May Like

More From This Category

More From this Author

x