Published : 25 Sep 2020 19:12 pm

Updated : 25 Sep 2020 19:12 pm

 

Published : 25 Sep 2020 07:12 PM
Last Updated : 25 Sep 2020 07:12 PM

வேளாண் திருத்த மசோதாக்களை ரத்து செய்யக் கோரி நெல்லை மாவட்டத்தில் மறியலில் ஈடுபட்ட 500 பேர் கைது

over-500-arrested-in-nellai-for-protesting-against-agri-bill

திருநெல்வேலி 

வேளாண் திருத்த மசோதாக்களை ரத்து செய்ய வலியுறுத்தி திருநெல்வேலி மாவட்டத்தில் பல்வேறு இடங்களில் மறியலில் ஈடுபட்ட அனைத்து தொழிற்சங்கங்களின் கூட்டமைப்பைச் சேர்ந்த 500-க்கும் மேற்பட்டோர் கைது செய்யப்பட்டனர்.

அனைத்து தொழிற்சங்கள் கூட்டமைப்பு சார்பில் திருநெல்வேலி வண்ணார்பேட்டை செல்லப்பாண்டியன் சிலை அருகே இந்திய கம்யூனிஸ்ட் கட்சியின் மாவட்ட செயலாளர் காசிவிஸ்வநாதன் தலைமையில் மறியல் போராட்டம் நடைபெற்றது.

தொமுச பேரவை பொது செயலாளர் தர்மர் , சிஐடியூ மாவட்ட செயலாளர் மோகன் , மார்க்சிஸ்ட் கம்யூனிஸ்ட் மாவட்ட செயலாளர் பாஸ்காரன் , அகில இந்திய விவசாயிகள் சங்க மாவட்ட தலைவர் ராஜகுரு, உள்ளிட்டவர்கள் கலந்து கொண்டனர். இந்த போராட்டத்தால் திருநெல்வேலி- பாளையங்கோட்டை சாலையில் போக்குவரத்து பாதிக்கப்பட்டது.

இதனையடுத்து மறியலில் ஈடுபட்ட நூற்றுக்கும் மேற்பட்டவர்கள் கைது செய்யப்பட்டனர்.

இதுபோன்று திருநெல்வேலி மாவட்டத்தில் வள்ளியூர் , களக்காடு , அம்பாசமுத்திரம் ஆகிய இடங்களிலும் மறியல் போராட்டம் நடைபெற்றது. இந்த மறியல் போராட்டங்களில் ஈடுபட்ட 500-க்கும் மேற்பட்டோர் கைது செய்யப்பட்டனர்.


தவறவிடாதீர்!

வேளாண் திருத்த மசோதாநெல்லை மாவட்டம்500 பேர் கைதுநெல்லை செய்தி

Sign up to receive our newsletter in your inbox every day!

You May Like

More From This Category

More From this Author