Published : 12 Aug 2020 21:21 pm

Updated : 12 Aug 2020 21:21 pm

 

Published : 12 Aug 2020 09:21 PM
Last Updated : 12 Aug 2020 09:21 PM

திருச்சி - ராமேஸ்வரம் இடையே தண்டவாள உறுதித்தன்மையை அறிய சோதனை ஓட்டம்

trichy-rameswaram-track-test-done

காரைக்குடி

திருச்சி - ராமேஸ்வரம் ரயில்வே வழித்தடத்தை மின்மயமாக்குவதை அடுத்து தண்டவாளத்தின் உறுதித்தன்மையை அறிய நேற்று சோதனை ஓட்டம் நடந்தது.

திருச்சி-ராமேஸ்வரம் ரயில்வே வழித்தடத்தில் டீசல் இஞ்சின் ரயில்கள் இயக்கப்பட்டு வருகின்றன. இந்த வழித்தடத்தில் எக்ஸ்பிரஸ் ரயில்கள் 80 முதல் 90 கி.மீ., வேகத்தில் இயக்கப்பட்டு வருகின்றன.


இந்நிலையில் திருச்சி - ராமேஸ்வரம் வழித்தடத்தை மின்மயமாக்கும் பணியில் ரயில்வே நிர்வாகம் ஈடுபட்டுள்ளது.

மேலும் இந்த வழித்தடத்தில் எக்ஸ்பிரஸ் ரயில்களின் வேகத்தை 110 கி.மீ., வரை அதிகரிக்க முடிவு செய்யப்பட்டுள்ளது. இதையடுத்து கடந்த 4 மாதங்களாக தண்டவாளத்தின் உறுதித்தன்மையை அதிகரிக்கும் பணியை ரயில்வே ஊழியர்கள் ஈடுபட்டு வந்தனர்.

இப்பணி முடிந்தநிலையில் நேற்று தண்டவாளத்தின் உறுதித்தன்மையை சோதிக்கும் வகையில் திருச்சியில் இருந்து ராமேஸ்வரத்திற்கு 110 கி.மீ. வேகத்தில் சோதனை ஒட்ட ரயில் 4 பெட்டிகளுடன் இயக்கப்பட்டது.

இந்த ரயில் இடையில் எங்கும் நிற்காமல் காரைக்குடி, சிவகங்கை வழியில் ராமேஸ்வரம் சென்றது. அதேபோல் மாலையில் ராமேஸ்வரத்தில் இருந்து திருச்சி சென்றது. இதில் ரயில்வே இன்ஜினியர்கள் பயணித்து தண்டவாளத்தின் உறுதித்தன்மையை சோதித்தனர்.


தவறவிடாதீர்!

திருச்சி - ராமேஸ்வரம்தண்டவாள உறுதித்தன்மையை அறிய சோதனை ஓட்டம்திருச்சிராமேஸ்வரம்

Sign up to receive our newsletter in your inbox every day!

You May Like

More From This Category

More From this Author