Published : 10 Aug 2020 07:02 am

Updated : 10 Aug 2020 07:02 am

 

Published : 10 Aug 2020 07:02 AM
Last Updated : 10 Aug 2020 07:02 AM

சென்னையில் கரோனா பரிசோதனை செய்துகொள்வோரில் தொற்று பாதிப்பு எண்ணிக்கை 7 சதவீதமாக குறைவு

chennai-corona-test

சென்னை

சென்னையில் மாநகராட்சி சார்பில்நாளொன்றுக்கு கரோனா பரிசோதனை செய்யப்படுவோர் எண்ணிக்கை 14 ஆயிரத்துக்கும் மேல்உயர்ந்துள்ள நிலையில், தொற்றுஉள்ளதாகக் கண்டுபிடிக்கப் படுவோர் எண்ணிக்கை 7 சதவீத மாகக் குறைந்துள்ளது.

சென்னையில் கடந்த ஜூன் 30-ம்தேதி அதிகபட்சமாக 2,393 பேருக்குகரோனா தொற்று உறுதி செய்யப்பட்டது. அதைத் தொடர்ந்து சென்னையில் கரோனா பரிசோதனைகள் அதிகரிக்கப்பட்டன.


ஆகஸ்ட் 8-ம் தேதி நிலவரப்படி ஒரேநாளில் 14,027 பேருக்கு பரிசோதனை செய்யப்பட்டது. இதில், 986 பேருக்கு மட்டுமே, அதாவது பரிசோதனை செய்து கொண்டவர்கள் எண்ணிக்கையில் 7 சதவீதம் பேருக்கு மட்டுமே தொற்று உறுதி செய்யப்பட்டது.

பரிசோதனைகள் அதிகரித்ததன் காரணமாக சென்னையில் தொற்றால் பாதிக்கப்படுவோர் எண்ணிக்கை குறைந்து வருவதாக மாநகராட்சி தெரிவித்துள்ளது.

இதுதொடர்பாக மாநகராட்சி அதிகாரிகள் கூறியதாவது:

இதுவரை 1 லட்சத்து 8 ஆயிரத்து 124 பேர் தொற்றால் பாதிக்கப்பட்டுள்ளனர். அதில் 94,100 பேர்(87%) குணமடைந்து வீடு திரும்பியுள்ளனர். 11,734 பேர் (11%) சிகிச்சை பெற்று வருகின்றனர். இதுவரை சிகிச்சை பலனின்றி 2,290 பேர் (2.12%) உயிரிழந்துள்ளனர்.

இதுவரை 7 லட்சம் பேருக்குமேல் பரிசோதனை செய்யப்பட்டுள்ளது. இதற்காக ரூ.200 கோடிக்கு மேல் செலவிடப்பட்டுள்ளது. கரோனா கட்டுப்பாட்டு நடவடிக்கைகளின் மூலம் தொற்று எண்ணிக்கையை இம்மாத இறுதிக்குள் 6 சதவீதமாக குறைக்க திட்டமிட்டிருக்கிறோம். இதை மேலும்குறைக்க வேண்டும் என்ற இலக்கோடு தடுப்பு பணிகளை தீவிரமாக மேற்கொண்டு வருகிறோம்.

இவ்வாறு அவர்கள் கூறினர்.


கரோனா பரிசோதனைசென்னையில் கரோனா பரிசோதனைதொற்று பாதிப்பு எண்ணிக்கை7 சதவீதமாக குறைவுChennai corona testசென்னையில் மாநகராட்சி

Sign up to receive our newsletter in your inbox every day!

You May Like

More From This Category

More From this Author