எஸ்எஸ்எல்சி, பிளஸ் 2 தனித் தேர்வர்களுக்கு ஹால்டிக்கெட்டை வரும் சனிக்கிழமை முதல் பதிவிறக்கம் செய்துகொள்ளலாம் என்று அரசு தேர்வுத்துறை அறிவித்துள்ளது.
இது தொடர்பாக அரசு தேர்வுத்துறை இயக்குநர் (பொறுப்பு) தண்.வசுந்தராதேவி வெளியிட்ட செய்திக்குறிப்பு:
செப்டம்பர், அக்டோபர் எஸ்எஸ்எல்சி துணைத் தேர்வெழுத அரசுத் தேர்வுத் துறையால் அறிவிக்கப்பட்ட நாட்களில் அரசுத் தேர்வுகள் சேவை மையங்களில் ஆன்-லைன் மூலமாக விண்ணப்பித்த தனித்தேர்வர்கள் மற்றும் சிறப்பு அனுமதி திட்டத்தில் ஆன்லைனில் விண்ணப்பித்த தனித்தேர்வர்கள் உட்பட அனைவரும் 19-ம் தேதி (சனிக்கிழமை) முதல் அரசு தேர்வுத்துறையின் இணையதளத்தில் (www.tndge.in) இருந்து தேர்வுக்கூட நுழைவுச்சீட்டை பதிவிறக்கம் செய்து கொள்ளலாம்.
இதேபோல், பிளஸ் 2 துணைத்தேர்வுக்கு விண்ணப்பித்த தனித்தேர்வர்கள், சிறப்பு அனுமதி திட்டத்தின் கீழ் விண்ணப்பித்தவர்கள் 18-ந் தேதி (வெள்ளிக்கிழமை) முதல் தேர்வுக்கூட அனுமதிச்சீட்டை பதிவிறக்கம் செய்துகொள்ளலாம். தேர்வுக்கூட அனுமதிச்சீட்டு இல்லாமல் எந்த ஒரு தேர்வரும் தேர்வெழுத அனுமதிக்கப்பட மாட்டார்கள்.
இவ்வாறு அவர் கூறியுள்ளார்.