Published : 09 Jul 2020 20:06 pm

Updated : 09 Jul 2020 20:06 pm

 

Published : 09 Jul 2020 08:06 PM
Last Updated : 09 Jul 2020 08:06 PM

சென்னை- குமரி போலி இ-பாஸ்: பயணிகளை ஏற்றி வந்த வேன் பறிமுதல்; ஓட்டுநர் கைது

fake-e-pass-van-seized

நாகர்கோவில்

கன்னியாகுமரி மாவட்டத்திற்கு வெளியூர்களில் இருந்து வருபவர்களில் பலர் உரிய இ-பாஸ் இன்றி வருவது கண்டறியப்பட்டுள்ளது. இது தொடர்பாக ஏற்கெனவே பலர் கைது செய்யப்பட்டு, வாகனங்கள் பறிமுதல் செய்யப்பட்டுள்ளன.

இந்நிலையில் நேற்று சென்னை அம்பத்தூரில் இருந்து கேரள மாநிலம் திருவனந்தபுரத்திற்கு வேனில் செல்வதற்காக ஓட்டுநர் உட்பட 8 பேர் இ-பாஸ் அனுமதி பெற்றிருந்தனர். இந்த வேன் இன்று குமரி மாவட்டம் ஆரல்வாய்மொழி சோதனைச் சாவடியில் வந்தபோது போலீஸார், மற்றும் வருவாய்த் துறையினர் சோதனை செய்தனர். அப்போது வேனில் ஓட்டுநருடன் 9 பேர் இருந்தது தெரியவந்தது.

அவர்களிடம் விசாரித்தபோது முன்னுக்குப் பின் முரணான தகவல்கள் கிடைத்தன. அவர்கள் யாரும் திருவனந்தபுரம் செல்லவில்லை. அனைவருமே குமரி மாவட்டம் திக்கணங்கோடு, மேக்காமண்டபம் பகுதியைச் சேர்ந்தவர்கள் ஆவர். அத்துடன் இ-பாஸில் வேறு நபரின் பெயர் இடம் பெற்றிருப்பதும் தெரியவந்தது.

இதனால் சென்னையைச் சேர்ந்த வேன் ஓட்டுநர் ராம்ராஜ் (38) என்பவரைப் போலீஸார் கைது செய்தனர். வேனைப் பறிமுதல் செய்து அதில் இருந்த 8 பேரைக் கன்னியாகுமரி தனிமைப்படுத்தும் முகாமிற்கு அனுப்பி வைத்தனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

Fake E-PassVan seizedசென்னை- குமரிபோலி இ-பாஸ்பயணிகள்வேன் பறிமுதல்ஓட்டுநர் கைதுகரோனாகொரோனாஆரல்வாய்மொழிசோதனைச் சாவடிவேன் ஓட்டுநர்

Sign up to receive our newsletter in your inbox every day!

You May Like

More From This Category

More From this Author