Published : 30 Jun 2020 07:34 am

Updated : 30 Jun 2020 07:34 am

 

Published : 30 Jun 2020 07:34 AM
Last Updated : 30 Jun 2020 07:34 AM

திமுக பிரமுகரின் கைதை கண்டித்து ஆர்ப்பாட்டத்தில் ஈடுபட்ட 43 பேருக்கு முன்ஜாமீன்

anticipatory-bail-for-dmk-protestors

சென்னை

அமைச்சர் எஸ்.பி.வேலுமணி குறித்து சமூக வலைதளங்களில் அவதூறு பரப்பியதாக கைது செய்யப்பட்ட திமுக பிரமுகருக்கு ஆதரவாக ஆர்ப்பாட்டத்தில் ஈடுபட்ட 43 பேருக்கு நிபந்தனையுடன் முன்ஜாமீன் வழங்கி உயர் நீதிமன்றம் உத்தரவிட்டுள்ளது.

கோவையில் அமைச்சர் எஸ்.பி.வேலுமணியை சமூக வலைதளங்களில் விமர்சித்து அவதூறு பரப்பியதாக திமுக பிரமுகர் முருகன் என்பவரை போலீஸார் கைது செய்தனர். இதைக்கண்டித்து கோவை திமுக தெற்கு மாவட்ட பொறுப்பாளர் தென்றல் செல்வராஜ் மற்றும் கிணத்துக்கடவு கிழக்கு ஒன்றியச் செயலாளர் துரை உள்ளிட்ட திமுகவினர் ஆர்ப்பாட்டத்தில் ஈடுபட்டனர். அதையடுத்து திமுகவினர் மீது வழக்குப்பதிவு செய்யப்பட்டது.

இந்நிலையில் இந்த வழக்கில் தொடர்புடைய சீனிவாசன், தேவேந்திரன், சண்முகப்பிரியா உள்ளிட்ட 43 பேர் தங்களுக்கு முன்ஜாமீன் கோரி சென்னை உயர் நீதிமன்றத்தில் வழக்கு தொடர்ந்திருந்தனர். இந்த வழக்கு நீதிபதி ஜி.கே.இளந்திரையன் முன்பாக விசாரணைக்கு வந்தது. மனுதாரர்கள் தரப்பில் மூத்த வழக்கறிஞர் என்.ஆர்.இளங்கோவும், அரசு தரப்பில் மாநில தலைமை குற்றவியல் வழக்கறிஞர் ஏ.நடராஜனும் ஆஜராகி வாதிட்டனர். அதையடுத்து நீதிபதி, 43 பேரும் தலா ரூ. 10 ஆயிரத்தை முதல்வரின் பொது நிவாரண நிதிக்கு செலுத்த வேண்டும் என்ற நிபந்தனையுடன் முன்ஜாமீன் வழங்கி உத்தரவிட்டுள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

Anticipatory bailDmk protestஆர்ப்பாட்டத்தில் ஈடுபட்ட 43 பேருக்கு முன்ஜாமீன்அமைச்சர் எஸ்.பி.வேலுமணிஉயர் நீதிமன்றம்

Sign up to receive our newsletter in your inbox every day!

You May Like

More From This Category

More From this Author