Published : 28 Jun 2020 07:47 am

Updated : 28 Jun 2020 07:47 am

 

Published : 28 Jun 2020 07:47 AM
Last Updated : 28 Jun 2020 07:47 AM

வேகத்தடைக்கு வண்ணம் பூசுவதற்காக நெடுஞ்சாலைத் துறைக்கு நிதி அளிக்க திருச்சியில் பிச்சை எடுக்கும் போராட்டம்

protest-against-highway-department
வேகத்தடைக்கு வண்ணம் பூசுவதற்காக நிதி திரட்டி நெடுஞ்சாலைத் துறைக்கு அளிக்க திருச்சி திருவானைக்காவலில் நேற்று பிச்சை எடுக்கும் போராட்டத்தில் ஈடுபட்ட இந்திய ஜனநாயக வாலிபர் சங்கத்தினர்.

திருச்சி

திருச்சி திருவானைக்காவலில் உள்ள ரயில்வே மேம்பாலத்துடன் சாலை இணையும் இடத்தில் வாகனங்களின் வேகத்தை குறைக்க வேகத்தடை அமைக்கப்பட்டுள்ளது. ஆனால், வேகத்தடையை அடையாளப்படுத்தும் வகையில் வெள்ளை வண்ணம் பூசப்படாததால் அடிக்கடி வாகனங் கள் விபத்துக்குள்ளாகின்றன.

இதுதொடர்பாக பல முறை நெடுஞ்சாலைத் துறை அதிகாரிக ளிடம் முறையிட்டும், நிதி இல்லை எனக் கூறி அவர்கள் அதை தட்டிக் கழித்து வந்துள்ளனர்.

எனவே வர்ணம் பூசுவதற்காக நிதி திரட்டி நெடுஞ்சாலைத்துறைக்கு அளிக்க, இந்திய ஜனநாயக வாலிபர் சங்கம் சார்பில் திருவானைக்காவல் நெடுஞ்சாலையில் நேற்று பிச்சை எடுக்கும் போராட்டம் நடைபெற்றது.

போராட்டத்துக்கு ஸ்ரீரங்கம் பகுதிச் செயலாளர் தர்மா தலைமை வகித்தார். மாவட்டப் பொருளாளர் ஜெயக்குமார் மற்றும் நிர்வாகிகள் பலர் பங்கேற்றனர்.

தகவலறிந்து வந்த காவல் துறையினர் மற்றும் நெடுஞ்சாலைத் துறை அதிகாரிகள், போராட்டத்தில் ஈடுபட்டவர்களிடம் பேச்சுவார்த்தை யில் ஈடுபட்டனர். இரு தினங்களில் வேகத்தடைக்கு வண்ணம் பூசப்படும் என உறுதியளித்ததை தொடர்ந்து போராட்டம் தற்காலிகமாக விலக்கிக் கொள்ளப்பட்டது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

வேகத்தடைக்கு வண்ணம்நெடுஞ்சாலைத் துறைக்கு நிதிபிச்சை எடுக்கும் போராட்டம்

Sign up to receive our newsletter in your inbox every day!

You May Like

More From This Category

More From this Author