Published : 16 Jun 2020 17:40 pm

Updated : 16 Jun 2020 17:41 pm

 

Published : 16 Jun 2020 05:40 PM
Last Updated : 16 Jun 2020 05:41 PM

தமிழகத்திலும் கோயில்களைத் திறக்க வேண்டும்: கும்பகோணத்தில் அறப் போராட்டம்

temples-to-be-open-in-tamil-nadu

கும்பகோணம்

தமிழகத்திலும் திருக் கோயில்களைப் பக்தர்கள் வழிபாட்டுக்குத் திறக்க வேண்டும் என்பதை வலியுறுத்தி கும்பகோணம் ஜோதிமலை இறைப்பணி திருக்கூட்டத்தின் சார்பில் இன்று கும்பகோணம் பகுதியில் உள்ள திருக்கோயில்கள் முன்பாக அறப் போராட்டம் நடைபெற்றது.

''காய்கனி, மளிகை, பால் பொருட்கள் எவ்வளவு அத்தியாவசியமோ அதைப் போலத்தான் திருக்கோயில்கள் திறப்பதும் பக்தர்களுக்கு அத்தியாவசியமானது. புதுச்சேரி, கர்நாடகா, ஆந்திரா, கேரளா ஆகிய மாநிலங்களைப் போல, தமிழகத்திலும் திருக் கோயில்களைப் பக்தர்கள் வழிபாட்டுக்குத் திறக்க வேண்டும்

நோய்த் தொற்றுப் பரவல் அதிகம் உள்ள சென்னை, காஞ்சிபுரம், திருவள்ளூர், செங்கல்பட்டு ஆகிய நான்கு மாவட்டங்களைத் தவிர தமிழகத்தின் ஏனைய மாவட்டங்களில் உள்ள திருக்கோயில்களை பக்தர்கள் வழிபாட்டுக்கு உடனடியாகத் திறக்க வேண்டும்'' என வலியுறுத்தி கும்பகோணம் ஜோதிமலை இறைப்பணி திருக்கூட்டத்தின் சார்பில் இன்று போராட்டம் நடைபெற்றது.

திருக்கோயில்கள் முன்பாக கைகளில் பதாகை ஏந்தி அறப் போராட்டம் நடத்தினர்.

புகழ்பெற்ற உப்பிலியப்பன் கோயில் மற்றும் ராகு ஸ்தலமான திருநாகேஸ்வரம் நாகநாதர் கோயில் ஆகிய கோயில்களின் முன்பாக திருக்கூட்டத்தைச் சேர்ந்த அடியவர்கள், ஒருங்கிணைப்பாளர் ஹரிபாபு தலைமையில், கோயில்களைத் திறக்க வலியுறுத்தி பதாதைகள் ஏந்தி, அறவழிப் போராட்டத்தில் ஈடுபட்டனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

Templesதமிழகம்கோயில்கோயில்களைத் திறக்க வேண்டும்கும்பகோணத்தில் ஆர்ப்பாட்டம்கும்பகோணம்Tamil Naduதிருக்கோயில்One minute news

Sign up to receive our newsletter in your inbox every day!

You May Like

More From This Category

More From this Author