Published : 05 Jun 2020 13:26 pm

Updated : 05 Jun 2020 13:26 pm

 

Published : 05 Jun 2020 01:26 PM
Last Updated : 05 Jun 2020 01:26 PM

சிறு வணிகர்களுக்கு ரூ.50,000 கடன்; அமைச்சர் செல்லூர் ராஜூவின் அறிவிப்பு உண்மையா? வழிமுறைகள் என்ன? - தினகரன் கேள்வி

ttv-dhinakaran-asks-tn-government
டிடிவி தினகரன் - அமைச்சர் செல்லூர் ராஜூ

சென்னை

குடும்ப அட்டை வைத்திருக்கும் சிறு வணிகர்களுக்கு ரூ.50 ஆயிரம் கடன் வழங்கப்படும் என்ற கூட்டுறவுத்துறை அமைச்சரின் அறிவிப்பை நம்பி கூட்டுறவு வங்கிகளுக்குச் செல்பவர்களுக்கு ஏமாற்றமே மிஞ்சுவதாக, அமமுக பொதுச் செயலாளர் டிடிவி தினகரன் தெரிவித்துள்ளார்.

சிறு, குறு தொழில் செய்வோர் குடும்ப அட்டையுடன் கூட்டுறவு வங்கிகளுக்குச் சென்றால் அவர்களுக்கு ரூ.50 ஆயிரம் கடன் வழங்க அரசாணை பிறப்பிக்கப்பட்டுள்ளது என, கூட்டுறவுத்துறை அமைச்சர் செல்லூர் ராஜூ அண்மையில் தெரிவித்திருந்தார்.

இது தொடர்பாக, டிடிவி தினகரன் இன்று (ஜூன் 5) தன் ட்விட்டர் பக்கத்தில், "குடும்ப அட்டை வைத்திருக்கும் சிறு வணிகர்களுக்கு ரூ.50 ஆயிரம் கடன் வழங்கப்படும் என்ற கூட்டுறவுத்துறை அமைச்சரின் அறிவிப்பை நம்பி கூட்டுறவு வங்கிகளுக்குச் செல்பவர்களுக்கு ஏமாற்றமே மிஞ்சுவதாக செய்திகள் வருகின்றன.

அப்படியொரு கடன் திட்டம் பற்றி தங்களின் கவனத்திற்கே வரவில்லை என்று கூட்டுறவு வங்கி அதிகாரிகள் கூறுவதாகத் தகவல்கள் வருகின்றன. கரோனா துயரால் ஏற்கெனவே அல்லல்படும் மக்களை இப்படி அலைக்கழிப்பது வேதனைக்குரியது.

அமைச்சரின் அறிவிப்பு உண்மையா? அதற்கான நிதி ஒதுக்கப்பட்டிருக்கிறதா? அப்படி ஒதுக்கப்பட்டிருந்தால் அந்த கடனைப் பெறுவதற்கான வழிமுறைகள் என்ன ? என்பனவற்றை எல்லாம் தெளிவாகவும், வெளிப்படையாகவும் தமிழக அரசு மக்களுக்கு விளக்க வேண்டும்" எனப் பதிவிட்டுள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

சிறு வணிகர்கள்கூட்டுறவு வங்கிகடன்தமிழக அரசுஅமைச்சர் செல்லூர் ராஜூடிடிவி தினகரன்Cooperative bankTamilnadu governmentMinister sellur rajuTTV DhinakaranONE MINUTE NEWSPOLITICS

Sign up to receive our newsletter in your inbox every day!

You May Like

More From This Category

More From this Author