Published : 28 Feb 2020 08:41 am

Updated : 28 Feb 2020 08:41 am

 

Published : 28 Feb 2020 08:41 AM
Last Updated : 28 Feb 2020 08:41 AM

அதிமுக அரசை விமர்சிக்கும் ஸ்டாலின் வீட்டுக்கு 100 யூனிட் மின்சாரம் இலவசம்: அமைச்சர் செல்லூர் கே.ராஜூ விமர்சனம்

sellur-raju
செல்லூர் கே.ராஜூ

மதுரை

எதற்கெடுத்தாலும் அதிமுக அரசைவிமர்சனம் செய்யும் ஸ்டாலின் வீட்டுக்கும், தமிழக அரசு 100 யூனிட் மின்சாரத்தை இலவசமாக வழங்குகிறது என கூட்டுறவுத் துறைஅமைச்சர் செல்லூர் கே.ராஜூ தெரிவித்தார்.

மதுரை பழங்காநத்தத்தில் முன்னாள் முதல்வர் ஜெயலலிதாவின் 72-வது பிறந்த நாள் விழா மற்றும் நலத்திட்ட உதவிகள் வழங்கும் விழா நடந்தது. கூட்டத்தில் அமைச்சர் செல்லூர் கே.ராஜூ பேசியதாவது:


தமிழகத்தில் திமுக ஆட்சி இருண்ட காலமாக இருந்தது. பெரும் நிறுவனங்களுக்கும், பெரும் பணக்காரர்களுக்குமான ஆட்சியாக அது இருந்தது. ஆனால், அதிமுக ஆட்சி ஏழை, எளிய மக்களுக்கான ஆட்சி. திமுக ஆட்சியில் மின்தடை நிரந்தரமாக இருந்தது. அதிமுக ஆட்சியில் இதுவரை மின்தடை ஏற்பட்டதே இல்லை. மின் மிகை மாநிலமாகச் செயல்படுகிறது.

தமிழகத்தில் அனைத்து வீடுகளுக்கும் 100 யூனிட் மின்சாரம் இலவசமாக வழங்கப்படுகிறது. அதிமுக அரசை எதற்கெடுத்தாலும் குறை சொல்லும் எதிர்க்கட்சித் தலைவர் ஸ்டாலின் வீட்டுக்கும் 100 யூனிட் மின்சாரம் இலவசமாக அரசு வழங்குகிறது. அவர் தமிழகஅரசின் சலுகைகளைப் பெற்றுக் கொண்டு விமர்சனம் செய்கிறார். மக்களை அரசுக்கு எதிராகத் தூண்டிவிடுகிறார். அவரது முதல்வர் கனவு பகல் கனவாகவே முடியும். இவ்வாறு அவர் பேசினார்.

அன்பு வாசகர்களே....


வரும் மார்ச் 31 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



100 யூனிட் மின்சாரம் இலவசம்அமைச்சர் செல்லூர் கே.ராஜூSellur raju

Sign up to receive our newsletter in your inbox every day!

You May Like

More From This Category

More From this Author