Published : 26 Feb 2020 12:30 pm

Updated : 26 Feb 2020 12:30 pm

 

Published : 26 Feb 2020 12:30 PM
Last Updated : 26 Feb 2020 12:30 PM

வன்முறைகள் தீர்வல்ல; டெல்லியில் அமைதி திரும்ப நடவடிக்கை தேவை: ராமதாஸ்

ramadoss-urges-to-maintain-peace-in-delhi
ராமதாஸ்: கோப்புப்படம்

சென்னை

டெல்லியில் அமைதி திரும்ப நடவடிக்கை தேவை என, பாமக நிறுவனர் ராமதாஸ் வலியுறுத்தியுள்ளார்.

இது தொடர்பாக, ராமதாஸ் இன்று (பிப்.26) வெளியிட்ட அறிக்கையில், "தலைநகர் டெல்லியில் குரியுரிமைச் சட்டத் திருத்தத்தை ஆதரிப்போருக்கும், எதிர்ப்போருக்கும் இடையே கடந்த ஞாயிற்றுக்கிழமை ஏற்பட்ட மோதலும், அதனால் உருவான கலவரமும் நான்காவது நாளாக இன்றும் நீடிப்பது அதிர்ச்சியும், கவலையும் அளிக்கிறது. இந்த வன்முறையில் எந்த தவறும் செய்யாத அப்பாவிகள் படுகொலை செய்யப்படுவதை ஏற்றுக்கொள்ள முடியாது; இது நிறுத்தப்பட வேண்டும்.


டெல்லியில் இயல்பு நிலைமை திரும்பச் செய்வதற்காக மத்திய உள்துறை அமைச்சகம் நடவடிக்கைகளை மேற்கொண்டு வருகிறது. டெல்லி துணைநிலை ஆளுநர், முதல்வர் மற்றும் காவல்துறை அதிகாரிகளுடன் மத்திய உள்துறை அமைச்சர் அமித் ஷா பல்வேறு கட்ட ஆலோசனைகளை நடத்தி உள்ளார். டெல்லி காவல்துறையும் சிறப்பு ஆணையராக ஸ்ரீவஸ்தவா நியமிக்கப்பட்டு உடனடியாக பொறுப்பேற்றுள்ளார். பல இடங்களில் ஊரடங்கு உத்தரவு பிறப்பிக்கப்பட்டிருப்பதுடன், கலவரக்காரர்களைக் கண்டதும் சுட உத்தரவு பிறப்பிக்கப்பட்டிருக்கிறது. இவ்வளவுக்குப் பிறகும் கலவரம் தொடர்கிறது.

டெல்லி கலவரத்தில் இதுவரை 18 பேர் உயிரிழந்துள்ளனர். 70-க்கும் மேற்பட்டோர் படுகாயமடைந்து மருத்துவமனைகளில் சேர்க்கப்பட்டுள்ளனர். வன்முறை மூலம் எந்தப் பிரச்சினைக்கும் தீர்வு காண முடியாது என்பதை இரு தரப்பினரும் உணர்ந்தால் அனைத்துச் சிக்கல்களையும் தீர்த்து விட முடியும். இதை உணராமல் வன்முறை மற்றும் கலவரத்தைக் கட்டவிழ்த்து விடுபவர்கள் யாராக இருந்தாலும், அவர்கள் மீது கடுமையான நடவடிக்கை எடுத்து, டெல்லியில் அமைதியையும், சட்டம் - ஒழுங்கையும் நிலைநிறுத்த மத்திய உள்துறை அமைச்சகமும், டெல்லி அரசும் நடவடிக்கை மேற்கொள்ள வேண்டும்" என ராமதாஸ் வலியுறுத்தியுள்ளார்.


தவறவிடாதீர்!

டெல்லி வன்முறைடெல்லி கலவரம்குடியுரிமை சட்டத் திருத்தம்பாமகராமதாஸ்டெல்லி அரசுஉள்துறை அமைச்சகம்Delhi violenceCAAPMKRamadossDelhi governmentSTATEMENT

Sign up to receive our newsletter in your inbox every day!

More From This Category

More From this Author

x