Published : 23 Feb 2020 15:57 pm

Updated : 23 Feb 2020 16:10 pm

 

Published : 23 Feb 2020 03:57 PM
Last Updated : 23 Feb 2020 04:10 PM

மக்களை மதரீதியில் பிரிக்கிறது திமுக: அமைச்சர் செல்லூர் ராஜூ குற்றச்சாட்டு 

minister-selur-raju-s-allegation-on-dmk
அமைச்சர் செல்லூர் ராஜூ, ஸ்டாலின் | கோப்புப் படம்.

மதுரை

சிறுபான்மையினர் வாக்குகளைப் பெறுவதற்காக மக்களை மதரீதியில் பிரித்து திமுக உள்நோக்கத்துடன் செயல்படுகிறது என்று அமைச்சர் செல்லூர் ராஜூ குற்றம் சாட்டியுள்ளார்.

மதுரையில் செயின்ட் மேரீஸ் தேவாலயத்தில் அமைச்சர் செல்லூர் ராஜூ அன்னதானம் வழங்கும் நிகழ்ச்சியைத் தொடங்கி வைத்தார். பின்னர் அவர் செய்தியாளர்களிடம் கூறுகையில், ''குடியுரிமைத் திருத்தச் சட்ட விவகாரத்தில் அதிமுகவின் நிலைப்பாட்டை முதல்வர் எடப்பாடி பழனிசாமியும், துணை முதல்வர் ஓ.பன்னீர்செல்வமும் தெளிவுபடுத்திவிட்டனர். மறைந்த முன்னாள் முதல்வர் ஜெயலலிதாவைப் போல, இஸ்லாமியர்களின் பாதுகாப்பு அரணாக முதல்வர் எடப்பாடி பழனிசாமி திகழ்கிறார்.


மக்களுக்காகத்தான் மத்திய அரசுடன் அதிமுக இணக்கமாக உள்ளது. அதிமுக யார் கையிலும் இல்லை. மக்கள் கையில் மட்டுமே உள்ளது'' என்றார் அமைச்சர் செல்லூர் ராஜூ.

முன்னதாக, அதிமுகவுக்கான மக்கள் ஆதரவை பொறுத்துக் கொள்ள முடியாமல், பொய் பிரச்சாரங்கள் மூலம் முஸ்லிம்கள் மத்தியில் குழப்பத்தை ஏற்படுத்த திமுக முயற்சிக்கிறது என்றும், சமூக நல்லிணக்கத்தை காப்பாற்ற முஸ்லிம்கள் அரசுக்கு ஒத்துழைக்க வேண்டும் என்றும் அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் பழனிசாமி ஆகியோர் தெரிவித்தனர்.

இந்நிலையில், சிஏஏ குறித்து முதல்வரும் துணை முதல்வரும் வெளியிட்டுள்ள கூட்டறிக்கை யாரை ஏமாற்றுவதற்கான நாடக ஒத்திகை என, திமுக தலைவர் மு.க.ஸ்டாலின் கேள்வி எழுப்பினார்.

இந்த சூழலில் ஸ்டாலினுக்குப் பதில் தரும் வகையில் மக்களை மதரீதியில் பிரிக்கிறது திமுக என்று அமைச்சர் செல்லூர் ராஜூ குற்றம் சாட்டியுள்ளார்.

அன்பு வாசகர்களே....


வரும் மார்ச் 31 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!



சிஏஏ விவகாரம்திமுக உள்நோக்கம்செல்லூர் ராஜூஸ்டாலின்அதிமுக அரசுமத்திய அரசுகுடியுரிமைத் திருத்தச் சட்டம்சிறுபான்மையினர் வாக்குகள்

Sign up to receive our newsletter in your inbox every day!

You May Like

More From This Category

More From this Author