Published : 09 Jan 2020 10:27 am

Updated : 09 Jan 2020 10:27 am

 

Published : 09 Jan 2020 10:27 AM
Last Updated : 09 Jan 2020 10:27 AM

2 ஆயிரம் டாஸ்மாக் பார்கள் மூடப்பட்டுள்ளன சட்டப்பேரவையில் அமைச்சர் தங்கமணி தகவல் 

tasmac-bars
கோப்புப்படம்

சென்னை

சட்டப்பேரவையில் ஆளுநர் உரைக்கு நன்றி தெரிவிக்கும் தீர்மானத்தின் மீது நேற்று நடைபெற்ற விவாதம்:

கே.ஆர்.ராமசாமி (காங்கிரஸ்): மதுபானக் கடைகளை படிப்படியாக குறைப்போம் என்றீர்கள். இப்போது எத்தனை கடைகளை மூடியுள்ளீர்கள்?

அமைச்சர் பி.தங்கமணி: 2016-ம் ஆண்டு அதிமுக ஆட்சியின்போது 6 ஆயிரத்து 764 கடைகள் இருந்தன. மறைந்த முன்னாள் முதல்வர் ஜெயலலிதா ஆட்சி பொறுப்பேற்றதும் 500 கடைகளை குறைத்தார். அதன்பின் முதல்வராக பழனிசாமி பொறுப்பேற்றதும் 500 கடைகளை குறைத்தார். அதன்படி 5 ஆயிரத்து 764 கடைகள் இருக்க வேண்டும். ஆனால், தற்போது 5 ஆயிரத்து 500 கடைகள்தான் உள்ளன. புதுச்சேரி, கர்நாடகா, ஆந்திராவில் மது விற்பனை நடைபெறுவதாலும், தமிழகத்தில் கள்ளச்சாராயம் வந்துவிடக் கூடாது என்பதற்காகவும் தற்போது ரூ.5 கோடியில் விழிப்புணர்வு ஏற்படுத்தப்படுகிறது.

கே.ஆர்.ராமசாமி: மதுபான விற்பனை பன்மடங்கு அதிகரித்துள்ளதே?

முதல்வர் பழனிசாமி: புதுச்சேரியில் மது விற்பனை நடைபெற்று வருகிறது. காங்கிரஸ் கட்சியின் கொள்கை தேசிய அளவில் ஒன்றுதானா. அல்லது மாநிலத்துக்கு மாநிலம் வேறுபடுமா? என்பதை தெளிவுபடுத்த வேண்டும்.

அமைச்சர் சி.வி.சண்முகம்: புதுச்சேரியில் நிதி நிலையை காரணம் காட்டி மதுபானம் விற்பனையுடன் சேர்த்து தற்போது சீட்டாட்ட கிளப்களுக்கும் அனுமதி அளிக்க உள்ளனர். இதனால், அங்குள்ள இளைஞர்கள் மட்டுமின்றி, தமிழக இளைஞர்களும் பாதிக்கப்படுவார்கள்.

கே.ஆர்.ராமசாமி: மதுக் கடைகளை படிப்படியாக குறைப்போம் என்று தேர்தல் வாக்குறுதியில் கூறியிருந்தீர்கள். அடுத்த ஓராண்டில் குறைக்க என்ன நடவடிக்கை எடுக்கப் போகிறீர்கள்?

அமைச்சர் பி.தங்கமணி: மதுபான விலை 15 சதவீதம் உயர்ந்ததால், மது விற்பனை அதிகரித்திருப்பதாகத் தோன்றுகிறது. தமிழகத்தில் உள்ள 5 ஆயிரத்து 500 மதுக்கடைகளில் முதல்கட்டமாக 2 ஆயிரம் மதுக்கடை பார்கள் மூடப்பட்டுள்ளன. இவ்வாறு விவாதம் நடைபெற்றது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

டாஸ்மாக்டாஸ்மாக் பார்கள்TASMAC Barsஅமைச்சர் தங்கமணிசட்டப்பேரவை

Sign up to receive our newsletter in your inbox every day!

You May Like

More From This Category

More From this Author