Published : 15 Nov 2019 10:02 am

Updated : 15 Nov 2019 10:02 am

 

Published : 15 Nov 2019 10:02 AM
Last Updated : 15 Nov 2019 10:02 AM

மேட்டூர் அணைக்கு நீர்வரத்து 6,000 கனஅடியானது

mettur-dam-water-level

சேலம்

மேட்டூர் அணைக்கு நீர்வரத்து விநாடிக்கு 6,000 கனஅடியாக குறைந்துள்ள நிலையில், டெல்டா பாசனத்துக்கான நீர்திறப்பு விநாடிக்கு 5,000 கனஅடியாக குறைக்கப்பட்டுள்ளது.

காவிரி நீர்பிடிப்புப் பகுதி களில் பெய்த வட கிழக்குப் பருவ மழையால் காவிரியில் வெள்ளம் ஏற்பட்டது. இதன் காரணமாக, மேட்டூர் அணை நடப்பாண்டில் 4-வது முறையாக, கடந்த 11-ம் தேதி இரவு நிரம்பியது. இதனிடையே, மழை குறைந்ததால், அணைக்கு நீர்வரத்து படிப்படியாக குறையத் தொடங்கியது. நேற்று முன்தினம் விநாடிக்கு 16,678 கனஅடியாக இருந்த நீர்வரத்து நேற்று காலை 6,000 கனஅடியாக குறைந்தது.

இதனால், டெல்டா பாசனத்துக் கான நீர்திறப்பு விநாடிக்கு 15,000 கனஅடியில் இருந்து, நேற்று காலை முதல் 5,000 கனஅடி யாக குறைக்கப்பட்டது. கால்வாய் பாசனத்துக்கு விநாடிக்கு 600 கன அடி நீர் திறந்துவிடப்பட்டுள்ளது. நீர் மட்டம் 120 அடியாகவும், நீர் இருப்பு 93.47 டிஎம்சியாகவும் உள்ளது.

ஒகேனக்கல்லில்..

கடந்த 8-ம் தேதி ஒகேனக்கல் காவிரியாற்றில் நீர்வரத்து விநாடிக்கு 8,000 கனஅடியாக இருந்தது. சுற்று வட்டாரப் பகுதிகளில் பெய்த மழையால் நீர்வரத்து விநாடிக்கு 20 ஆயிரம் கனஅடி வரை உயர்ந்தது. பின்னர் படிப்படியாக குறைந்து வந்த நீர்வரத்து நேற்று விநாடிக்கு 9,500 கனஅடியாக சரிந்தது.

பரிசல் இயக்கத்துக்கான தடை யும், அருவியில் குளிப்பதற்கான தடையும் தொடர்ந்து அமலில் இருந்து வருகிறது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

மேட்டூர் அணைஅணையின் நீர்வரத்துடெல்டா பாசனம்தண்ணீர் அளவு உயர்வு

Sign up to receive our newsletter in your inbox every day!

You May Like

More From This Category

More From this Author