Published : 18 Oct 2019 09:07 am

Updated : 18 Oct 2019 09:07 am

 

Published : 18 Oct 2019 09:07 AM
Last Updated : 18 Oct 2019 09:07 AM

பகுதிநேர ஆசிரியர்களை பணி நிரந்தரம் செய்ய முடியாது: பள்ளிகல்வித் துறை திட்டவட்டம்

part-time-teachers
கோப்புப்படம்

சென்னை

அரசுப் பள்ளிகளில் பணிபுரியும் பகுதிநேர ஆசிரியர்களை பணி நிரந்தரம் செய்வதற்கான சாத்தியக் கூறுகள் இல்லை என்று பள்ளிக் கல்வித் துறை அதிகாரிகள் தெரிவித்தனர். தமிழகத்தில் அரசுப் பள்ளிகளில் ஆசிரியர் பற்றாக்குறையை சமாளிக்க தொகுப்பூதியத்தில் பகுதி நேர ஆசிரியர்கள் 2012-ம் ஆண்டு முதல் பணி நியமனம் செய்யப் பட்டு வருகின்றனர்.

அதன்படி இப்போது 12 ஆயிரம் பேர் வரை பகுதிநேர ஆசிரியர்களாக பணிபுரிகின்றனர். இவர்கள் பள்ளி களில் வாரந்தோறும் 3 நாட்கள் பாடம் நடத்துவர். இதற்கு ரூ.7,700 மாத சம்பளமாக தரப்படு கிறது. இதற்கிடையே ஊதிய உயர்வு, பணி நிரந்தரம் உள்ளிட்ட கோரிக்கைகளை பகுதிநேர ஆசிரியர்கள் தொடர்ந்து வலியுறுத்தி வருகின்றனர்.

இதுதொடர்பாக பல்வேறு போராட்டங்களும் நடத்தப்பட்டன. இந்நிலையில் பகுதிநேர ஆசிரியர்களை பணிநிரந்தரம் செய்ய தமிழக அரசு முடிவு செய்துள்ளதாக வலைதளங்களில் தகவல்கள் பரவி வருகின்றன.

இதுதொடர்பாக கல்வித்துறை அதிகாரிகளிடம் கேட்டபோது, ‘‘மத்திய அரசின் திட்டத்தின் கீழ் பகுதிநேர ஆசிரியர்கள் பணி நியமனம் செய்யப்பட்டுள்ளனர். அதற்கான அனைத்து நிதி ஆதாரங்களும் மத்திய அரசுதான் வழங்கி வருகிறது.

எனவே, அனைவரையும் பணி நிரந்தரம் செய்ய சாத்தியக் கூறுகள் இல்லை. இவர்களை பணியமர்த் தும்போது இது தற்காலிக பணி என்பதை உறுதியாக தெரிவித்த பின்னரே வேலை வழங்கப்பட்டது. பகுதிநேர ஆசிரியர்களின் மாத தொகுப்பூதியத்தை ரூ.10 ஆயிர மாக உயர்த்த கூடுதல் நிதி வழங்குமாறு மத்திய அரசிடம் வலியுறுத்தியுள்ளோம்.

விரைவில் நிதி கிடைத்தவுடன் ஊதிய உயர்வு வழங்கப்படும். எனவே, பணிநிரந்தரம் செய்வதாக வரும் தகவலை நம்ப வேண்டாம். இதுதொடர்பாக தவறான நபர்களிடம் பணத்தை கொடுத்தும் ஆசிரியர்கள் ஏமாற வேண்டாம். ஆசிரியர்கள் விரும்பினால் அவர்கள் வசிக்கும் இடங்களுக்கு அருகே இடமாறுதல் தரப்படும்’’ என்றனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

பகுதிநேர ஆசிரியர்கள்Part-time teachersஆசிரியர்கள் பணிபள்ளிகல்வித் துறைஅரசுப் பள்ளிகள்ஊதிய உயர்வுமத்திய அரசின் திட்டம்பணி நியமனம்பணிநிரந்தரம்

Sign up to receive our newsletter in your inbox every day!

You May Like

More From This Category

More From this Author