வட மாநிலங்களில் இருந்து வரத்து குறைந்ததால் பெரிய வெங்காயம் விலை தொடர்ந்து உயர்வு: மேலும் அதிகரிக்க வாய்ப்புள்ளதாக வியாபாரிகள் தகவல்

பி.டி.ரவிச்சந்திரன்

திண்டுக்கல்

வட மாநிலங்களில் மழையின் காரணமாக பெரிய வெங்காயம் கிலோ ரூ.60-க்கு விற்பனையாகி றது. தற்போதைய நிலையில் 3 மாதங்களுக்கு விலை குறைய வாய்ப்பில்லை என வியாபாரிகள் கூறினர்.

திண்டுக்கல் வெங்காய மார்க் கெட் திங்கள், புதன், வெள்ளி என வாரத்தில் 3 நாட்கள் மட்டும் செயல்படுகிறது. திண்டுக்கல், தேனி, கரூர், அரியலூர், பெரம்பலூர் உள்ளிட்ட பிற மாவட்டங்களில் இருந்து சின்னவெங்காயத்தை விவசாயிகள் திண்டுக்கல் மார்க் கெட்டுக்கு விற்பனைக்கு கொண்டு வருகின்றனர். மகாராஷ்டிரா, கர்நாடகாவில் இருந்து பெரிய வெங்காயம் திண்டுக்கல் மார்க்கெட் டுக்கு லாரிகளில் கொண்டு வரப் பட்டு, இங்கிருந்து பல பகுதிகளுக்கு அனுப்பி வைக்கப்படுகிறது. தற் போது மகாராஷ்டிரா உள்ளிட்ட வட மாநிலங்களில் பலத்த மழை காரண மாக பெரிய வெங்காயத்தை இருப்பு வைக்க முடியவில்லை. மேலும் பயிரிடப்பட்ட பெரிய வெங் காயமும் மழையால் சேதமடைந் துள்ளன. இதனால் வடமாநிலங்க ளில் இருந்து மார்க்கெட்டுக்கு வரும் பெரிய வெங்காயம் வரத்து வெகுவாக குறைந்துவிட்டது.

வழக்கமாக ஒரு நாளுக்கு 25 லாரிகளில் பெரிய வெங் காயம் திண்டுக்கல் மார்க்கெட்டுக்கு வந்து இறங்கும். தற்போது இது 15 லாரிகளாக குறைந்துவிட்டது.

தேவை எப்போதும்போல இருக் கும் நிலையில், வரத்து குறைந்த தால் பெரிய வெங்காயம் விலை அதிகரிக்கத் தொடங்கியது. 10 நாட்களுக்கு முன்பு ஒரு கிலோ பெரிய வெங்காயம் ரூ.30-க்கு விற்ற நிலையில், தற்போது இரட் டிப்பாகி, வெளி மார்க்கெட்டில் கிலோ ரூ.60-க்கு விற்பனையாகிறது.

இதுகுறித்து திண்டுக்கல் வெங் காய ஏற்றுமதியாளர்கள் கமிஷன் மண்டி வர்த்தகர் சங்க பொருளாளர் எம்.வி.மாரிமுத்து கூறியதாவது:

வடமாநிலங்களில் பெய்த பலத்த மழையால் இருப்பு வெங் காயமும், பயிரிடப்பட்டுள்ள வெங் காயமும் சேதமடைந்ததுதான் விலை ஏற்றத்துக்கு காரணம்.

தேவை இருப்பதாலும், நல்ல விலை கிடைப்பதாலும் இருப்பு வைத்துள்ள வெங்காயத்தை வட மாநில விவசாயிகள், வியாபாரி கள் விற்பனைக்கு அனுப்புகின்ற னர். இருந்தபோதும் ஒரு நாளுக்கு 25 லாரிகளில் வந்திறங்கிய மார்க் கெட்டில் தற்போது 15 லாரிகளில் மட்டுமே பெரிய வெங்காயம் வந் திறங்குவதால் பற்றாக்குறை ஏற்பட் டுள்ளது. இதனால் விலையும் உயர்ந்துள்ளது. நடப்பட்ட வெங் காயமும் மழையால் சேதமடைந்த தால் மீண்டும் பெரிய வெங்காயம் நடவு செய்து அறுவடை செய்ய மூன்று மாதங்களுக்கு மேல் ஆகும். எனவே, தற்போதுள்ள இருப்பு தீரும் பட்சத்தில் வரத்து படிப்படியாக குறைந்து விலை மேலும் அதிகரிக்க வாய்ப்புள்ளது.

தற்போது சின்ன வெங்காயம் ஒரு கிலோ ரூ.40 முதல் ரூ.45 வரை விற்பனையாகும் நிலை யில் பெரிய வெங்காயம் இதை கடந்து ஒரு கிலோ ரூ.60 வரை விற்பனையாகிறது. மூன்று மாதங் களுக்கு பெரிய வெங்காயத்தின் விலை குறைய வாய்ப்பில்லை. மாறாக, உயர்வதற்கே வாய்ப்பு உள்ளது என்றார்.