நாங்குநேரி தொகுதி: களம் கண்ட தேர்தல்கள்

திமுகவைப் பொறுத்தவரையில் கடந்த 1971-ம் ஆண்டு கணபதியும், 1989-ம் ஆண்டு ஆச்சியூர் மணியும் போட்டியிட்டு வென்றனர். பெரும்பாலான தேர்தல்களில் கூட்டணிக் கட்சிகளான இடதுசாரிகள், காங்கிரஸுக்கு இந்தத் தொகுதியை ஒதுக்குவதை திமுக வாடிக்கையாகக் கொண்டுள்ளது.

அதேசமயம் அதிமுகவைப் பொறுத்தவரை தொடர்ந்து நேரடியாக களம் கண்ட தொகுதி. எம்ஜிஆர் காலம் முதல் ஜெயலலிதா காலம் வரை களம் கண்ட பல தேர்தல்களிலும் அதிமுகவே போட்டியிட்டுள்ளது. 5 தேர்தல்களில் வெற்றியும் பெற்றுள்ளது.

ஆளும் கட்சியாக இருந்த தேர்தல்களில் தொடர்ந்து நாங்குநேரி தொகுதியில் அதிமுக வென்று வந்தது. ஆனால் கடந்த 2016-ம் ஆணடு தேர்தலில் அதிமுக ஆட்சியைக் கைப்பற்றிய போதிலும் நாங்குநேரி தொகுதியில் தோல்வியைத் தழுவியது.

நாங்குநேரி சட்டப்பேரவைத் தொகுதி

ஆண்டு	வென்றவர்	கட்சி
1967	துரைபாண்டியன்	காங்கிரஸ்
1971	டி.கணபதி	திமுக
1977	ஜான் வின்சென்ட்	ஜனதா கட்சி
1980	ஜான் வின்சென்ட்	அதிமுக
1984	ஜான் வின்சென்ட்	அதிமுக
1989	ஆச்சியூர் மணி	திமுக
1991	நடேசன் பால்ராஜ்	அதிமுக
1996	எஸ்.வி.கிருஷ்ணன்	சிபிஐ
2001	மாணிக் ராஜ்	அதிமுக
2006	வசந்தகுமார்	காங்கிரஸ்
2011	எர்ணாவூர் நாராயணன்	அதிமுக
2016	வசந்தகுமார்	காங்கிரஸ்

2016-ம் ஆண்டு தேர்தலில் திமுக கூட்டணியில் காங்கிரஸ் சார்பில் போட்டியிட்ட வசந்தகுமார் 74,932 வாக்குகள் பெற்றார். அதிமுக சார்பில் போட்டியிட்ட விஜயகுமார் 57,617 வாக்குகள் பெற்று இரண்டாம் இடம் பிடித்து தோல்வியடைந்தார்.