Published : 06 Jun 2015 12:09 pm

Updated : 06 Jun 2015 12:09 pm

 

Published : 06 Jun 2015 12:09 PM
Last Updated : 06 Jun 2015 12:09 PM

முதல்வர் ஜெயலலிதாவின் சொத்து மதிப்பு ரூ.117.13 கோடி

117-13

முதல்வர் ஜெயலலிதா தனது சொத்து மதிப்பு ரூ.117.13 கோடி என வேட்புமனுவில் தெரிவித்துள்ளார். அவரது சொத்து மதிப்பு 2006-ல் . ரூ.24.7 கோடியாகவும், 2011-ல் ரூ.51.40 கோடியாகவும் இருந்தது. இது தற்போது இரு மடங்காக உள்ளது.

ஆர்.கே.நகர் இடைத்தேர்தலில் அதிமுக சார்பில் போட்டியிடும் முதல்வர் ஜெயலலிதா வெள்ளிக்கிழமை வேட்புமனுவைத் தாக்கல் செய்தார். அத்துடன் தனது அசையும் - அசையா சொத்து விவரங்களையும் அவர் தாக்கல் செய்திருந்தார். அதன் விவரம் வருமாறு:

2013–2014–ம் ஆண்டு வங்கிக் கணக்குப்படி மொத்த வருமானம்: ரூ.33,22,730 | கையிருப்பு - ரூ.39,000 | வங்கி கணக்கில் சேமிப்பு தொகை - 9 கோடியே 80 லட்சத்து 9,639 ரூபாய் | மைலாப்பூர் கரூர் வைஸ்யா வங்கி கணக்கு உள்பட வழக்கில் முடக்கப்பட்ட தொகை - ரூ.2 கோடியே 47 லட்சத்து 74,945 ரூபாய்.

ஐந்து நிறுவனங்களில் தொழில் முதலீட்டு தொகை - 31 கோடியே 68 லட்சத்து 82,808 ரூபாய் | 9 சொந்த வாகனங்களின் மதிப்பு - ரூ.42,25,000 | வெள்ளிப் பொருட்கள் - 1,250 கிலோ (ஒரு கிலோவுக்கு ரூ.25,000 என்ற மதிப்பில் மொத்த மதிப்பு 3 கோடியே 12 லட்சத்து 50,000 ரூபாய். | வழக்கில் முடக்கப்பட்ட தங்க நகைகள் 21,280.300 கிராம்.

காஞ்சீபுரம், ஹைதரபாத்தில் இருக்கும் 17.93 ஏக்கர் விவசாய நிலங்களின் மதிப்பு -14 கோடியே 78 லட்சத்து 37,300 ரூபாய் | சென்னை போயஸ் கார்டன், மந்தைவெளி, தேனாம்பேட்டை மற்றும் ஹைதராபாத்தில் உள்ள வணிக கட்டிடங்களின் மதிப்பு - 13 கோடியே 34 லட்சத்து 70,990 ரூபாய் | போயஸ் கார்டன் வீட்டின் மதிப்பு - 43 கோடியே 96 லட்சத்து 74,900 ரூபாய்.

ஒட்டுமொத்த அசையா சொத்தின் மதிப்பு - 72 கோடியே 9 லட்சத்து 83,190 ரூபாய் | ஒட்டுமொத்த அசையும் சொத்தின் மதிப்பு - 45 கோடியே 4 லட்சத்து 6,447 ரூபாய் | ஜெயலலிதா பெயரில் உள்ள மொத்த வங்கிக் கடன் மதிப்பு ரூ.2 கோடியே 4 லட்சத்து 2,987. | மொத்த சொத்து மதிப்பு ரூ.117.13 கோடி

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

    ஜெயலலிதாமுதல்வர் ஜெயலலிதாஆர்.கே.நகர் இடைத்தேர்தல்

    Sign up to receive our newsletter in your inbox every day!

    You May Like

    More From This Category

    More From this Author