சென்னை - திருநெல்வேலி இடையே சிறப்பு ரயில்கள்

கூட்ட நெரிசலை சமாளிப்பதற்காக சென்னை எழும்பூர் – திருநெல்வேலி இடையே திருச்சி மற்றும் மயிலாடுதுறை ஆகிய 2 மார்க்கங்களிலும் சிறப்பு ரயில்கள் இயக்கப்படுவதாக தெற்கு ரயில்வே அறிவித்துள்ளது. ரயில்கள் பற்றிய விவரம்:

¬ திருநெல்வேலி – எழும்பூர் சிறப்பு ரயில் (எண்: 06021 திருச்சி, விழுப்புரம் வழி) திருநெல்வேலியில் இருந்து மே 8-ம் தேதி இரவு 10.55 மணிக்குப் புறப்பட்டு மறுநாள் காலை 11.55 மணிக்கு சென்னை எழும்பூர் வந்துசேரும்.

¬ எழும்பூர் – திருநெல்வேலி சிறப்பு ரயில் (எண்: 06022 மயிலாடுதுறை, கும்பகோணம், தஞ்சாவூர் வழி) எழும்பூரில் இருந்து மே 9-ம் தேதி இரவு 10.45 மணிக்குப் புறப்பட்டு, மறுநாள் நண்பகல் 12.30 மணிக்கு திருநெல்வேலி போய்ச்சேரும்.

¬ திருநெல்வேலி – எழும்பூர் அதிவிரைவு சிறப்பு ரயில் (எண்: 06023 தஞ்சை, கும்பகோணம், மயிலாடுதுறை வழி) திருநெல்வேலியில் இருந்து மே 19-ம் தேதி மாலை 6.15 மணிக்கு புறப்பட்டு, மறுநாள் காலை 7.20 மணிக்கு சென்னை வந்துசேரும்.

¬ எழும்பூர் – திருநெல்வேலி சிறப்பு ரயில் (எண்: 06024 மயிலாடுதுறை, கும்பகோணம், தஞ்சாவூர் வழி) சென்னையில் மே 20-ம் தேதி இரவு 10.45 மணிக்குப் புறப்பட்டு, மறுநாள் பகல் 12.30 மணிக்கு திருநெல்வேலி போய்ச்சேரும்.

¬ திருநெல்வேலி – எழும்பூர் அதிவிரைவு சிறப்பு ரயில் (எண்: 06025 திருச்சி, விழுப்புரம் வழி) திருநெல்வேலியில் இருந்து மே 14-ம் தேதி இரவு 9.15 மணிக்குப் புறப்பட்டு, மறுநாள் காலை 9 மணிக்கு சென்னை வந்துசேரும்.

¬ எழும்பூர் – திருநெல்வேலி சிறப்பு ரயில் (எண்: 06026 விழுப்புரம், திருச்சி வழி) சென்னையில் இருந்து மே 15-ம் தேதி இரவு 9.05 மணிக்குப் புறப்பட்டு, மறுநாள் காலை 9.45 மணிக்கு திருநெல்வேலி போய்ச்சேரும்.

¬ திருநெல்வேலி – எழும்பூர் அதிவிரைவு சிறப்பு ரயில் (எண்: 06027 திருச்சி, விழுப்புரம் வழி) திருநெல்வேலியில் இருந்து மே 24-ம் தேதி மாலை 6.15 மணிக்குப் புறப்பட்டு, மறுநாள் காலை 6.05 மணிக்கு சென்னை வந்துசேரும்.

¬ எழும்பூர் – திருநெல்வேலி அதிவிரைவு சிறப்பு ரயில் (எண்: 06028 விழுப்புரம், திருச்சி வழி) சென்னையில் இருந்து மே 25-ம் தேதி மாலை 6.50 மணிக்குப் புறப்பட்டு, மறுநாள் காலை 6.30 மணிக்கு திருநெல்வேலி போய்ச்சேரும்.

¬ நாகர்கோவில் – எழும்பூர் சிறப்பு ரயில் (எண்: 06029 திருச்சி, விழுப்புரம் வழி) நாகர்கோவிலில் இருந்து மே 17-ம் தேதி மாலை 5 மணிக்குப் புறப்பட்டு, மறுநாள் காலை 6.05 மணிக்கு சென்னை வந்துசேரும்.

¬ எழும்பூர் – நாகர்கோவில் அதிவிரைவு சிறப்பு ரயில் (எண்: 06030 விழுப்புரம், திருச்சி வழி) சென்னையில் இருந்து மே 18-ம் தேதி மாலை 3 மணிக்குப் புறப்பட்டு, மறுநாள் அதிகாலை 4.15 மணிக்கு நாகர்கோவில் போய்ச்சேரும்.

இந்த சிறப்பு ரயில்களுக்கான முன்பதிவு தற்போது நடந்துகொண்டிருக்கிறது. இவ்வாறு தெற்கு ரயில்வே அறிவித்துள்ளது.