சிறு தானிய உணவு தயாரிக்கும் பயிற்சிக்கு விண்ணப்பிக்கலாம்

கிண்டியில் உள்ள எம்எஸ்எம்இ அலுவலகம் வெளியிட்ட செய்திக் குறிப்பில் கூறியிருப்பதாவது:

எம்ஸ்எம்இ சார்பில் தினை லட்டு, தினை இனிப்பு பணியாரம், தினை தோசை மிக்ஸ், வரகு புளியோதரை, வரகு பிரியாணி, உள்ளிட்ட பல்வேறு சிறு தானிய உணவு வகைகளை தயாரிக்கும் பயிற்சி ஏப்ரல் 20 முதல் 24-ம் தேதி வரை வழங்கப்பட உள்ளது.

பிரட், பஃப்ஸ், கேக், பன், ரஸ்க் போன்ற பேக்கரி பொருட்களை தயாரிக்கும் பயிற்சியும் ஏப்ரல் 20 முதல் 24-ம் தேதி வரை வழங்கப்பட உள்ளது.

இப்பயிற்சியில் சேர விரும்பு வோர், எம்எஸ்எம்இ வளர்ச்சி நிலையம், கிண்டி, சென்னை என்ற முகவரிக்கு விண்ணப்பிக்கலாம். மேலும் விவரங்களுக்கு 9940318891, 9790754446 ஆகிய எண்களை தொடர்புகொள்ளலாம்.

இவ்வாறு செய்திக்குறிப்பில் கூறப்பட்டுள்ளது.