7-ம் தேதி இந்திய கம்யூ. ஆர்ப்பாட்டம்: சென்னையில் நல்லகண்ணு பங்கேற்பு

பெட்ரோல், டீசல் விலை உயர்வைக் கண்டித்து சென்னையில் 7-ம் தேதி நடக்கும் ஆர்ப்பாட்டத்தில் இந்திய கம்யூனிஸ்ட் தலைவர்கள் பங்கேற்கின்றனர்.

மத்திய அரசின் பட்ஜெட் மற்றும் பெட்ரோல், டீசல் விலை உயர்வைக் கண்டித்தும் தமிழகத்தின் அனைத்து மாவட்டத் தலைநகரங்களிலும் மார்ச் 7-ம் தேதி ஆர்ப்பாட்டம் நடத்தப்படும் என்று இந்திய கம்யூனிஸ்ட் கட்சியின் மாநிலச் செயலாளர் இரா.முத்தரசன் அறிவித்திருந்தார்.

இதுதொடர்பாக அக்கட்சியின் தென்சென்னை மாவட்டச் செய லாளர் எஸ்.ஏழுமலை நேற்று வெளியிட்ட அறிக்கையில், ‘சென்னை சேப்பாக்கம் விருந்தினர் மாளிகை அருகே 7-ம் தேதி நடக்கும் ஆர்ப்பாட்டத்தில் வடசென்னை, தென்சென்னை, காஞ்சிபுரம், திருவள்ளூர் மாவட்டங்களைச் சேர்ந்த கட்சியினர் கலந்து கொள்கின்றனர். மாநிலச் செயலா ளர் இரா.முத்தரசன் தலைமையில் நடக்கும் ஆர்ப்பாட்டத்தில் கட்சியின் மூத்த தலைவர்கள் தா.பாண்டியன், ஆர்.நல்லகண்ணு, கே.சுப்பராயன் உள்ளிட்டோர் பங்கேற்கின்றனர்’ என்று கூறியுள்ளார்.