இவரைத் தெரியுமா?- அபிஷேக் கங்குலி

$ பூமா இந்தியா நிறுவனத்தின் நிர்வாக இயக்குநர். பூமா நிறுவனம் இந்தியாவில் நுழைந்தபோது அதில் சேர்ந்த இரண்டாவது பணியாளர் இவர். ஆரம்பத்தில் இருந்து இயக்குநர் குழுவில் இருந்தவர்.

$ இளங்கலை கணிதமும், லக்னோவில் உள்ள இந்தியன் இன்ஸ்டிட்டியூட் ஆப் மேனேஜ்மெண்ட் கல்வி நிறுவனத்தில் நிர்வாக பட்டம் பெற்றவர்.

$ 2005 - 2010 வரை பூமா நிறுவனத்தின் விற்பனை மற்றும் சந்தை பிரிவின் இயக்குநராக இருந்தார். 2011 ஜனவரியில் விற்பனை மற்றும் சில்லரை வர்த்தக துறையின் துணைத் தலைவர் பொறுப்புக்கு வந்தார்.

$ இதற்கு முன்பு ரீபோக் நிறுவனத்தின் தென் மண்டல இயக்குநராக பணியாற்றிய அனுபவம் கொண்டவர்.

$ இந்திய ஏஞ்செல் முதலீட்டாளர் ஒருங்கிணைப்பு உறுப்பினர். விளையாட்டு மற்றும், புதிய தலைமுறை ஊடக முயற்சிகளுக்கு முதலீடு செய்வதற்கு உதவுவதில் ஈடுபாடு காட்டுபவர்.

$ சர்வதேச அளவில் பூமா நிறுவனத்தின் கிரிக்கெட் சார்ந்த வர்த்தகப் பிரிவின் தலைவராகவும் கூடுதலாக பொறுப்பு வகித்து வருகிறார்.