Published : 07 Feb 2015 12:43 pm

Updated : 07 Feb 2015 13:02 pm

 

Published : 07 Feb 2015 12:43 PM
Last Updated : 07 Feb 2015 01:02 PM

திண்டுக்கல்: போலி பெண் மருத்துவர் கைது- சிகிச்சை அளித்தபோது சிக்கினார்

திண்டுக்கல் அருகே போலி பெண் மருத்துவர் நோயாளிகளுக்கு சிகிச்சை அளித்தபோது, மாவட்ட மருத்துவநலப் பணிகள் துறை இணை இயக்குநர் நேற்று கையும், களவுமாகப் பிடித்து காவல் நிலையத்தில் ஒப்படைத்தார்.

திண்டுக்கல் அருகே முத்தழகுப்பட்டியில் போலி பெண் மருத்துவர், வீட்டில் கிளீனிக் நடத்துவதாக மருத்துவ நலப்பணிகள் இணை இயக்குநர் ரவிக்கலாவுக்கு ரகசிய தகவல் வந்தது. இதையடுத்து, அவரது தலைமையில் மருத்துவக் குழுவினர், போலீஸாருடன் சென்று சோதனை நடத்தினர்.

அப்போது முத்தழகுப் பட்டியில் கிளீனிக்கில் அமர்ந்து பெண் ஒருவர் மருத்துவர் போல நோயாளிகளுக்கு சிகிச்சை அளித்துக் கொண்டிருந்தார். அவரிடம் இணை இயக்குநர் ரவிக்கலா விசாரணை நடத்தினார். அவர், அதே பகுதியைச் சேர்ந்த கவிதா (32) என்பதும், அவரது கணவர் குஜிலியம்பாறை ஊராட்சி ஒன்றிய அலுவலகத்தில் வேலைபார்ப்பதும் தெரியவந்தது. இணை இயக்குநர் அப்பெண்ணைப் பிடித்து காவல் நிலையத்தில் ஒப்படைத்தார்.

தகவல் அறிந்த அதிமுக பிரமுகர்கள் மருத்துவ நலப் பணிகள் இணை இயக்குநர் அலுவலகத்தில் குவிந்து, போலி பெண் மருத்துவர் மீதான புகாரை வாபஸ் பெறும்படி வலியுறுத்தினர்.

அதற்கு இணை இயக்குநர், அரசு செய்யச் சொல்வதை நாங்கள் செய்கிறோம் என்றார். உடனே டி.எஸ்.பி. ராமச்சந்திரனிடம் ஆளுங்கட்சியினர் முறையிட்டனர். அவர், இணை இயக்குநர் புகாரை வாபஸ் பெற்றால், நாங்கள் அந்தப் பெண்ணை விடுவித்து விடுகிறோம் என்றார்.

ஆனால், கடைசிவரை இணை இயக்குநர் புகாரை வாபஸ் பெறாததால் போலி பெண் மருத்துவரை போலீஸார் கைது செய்தனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

போலி பெண் மருத்துவர்சிகிச்சைபிடிபட்டார்புகார்கைதுபோலீஸ்

Sign up to receive our newsletter in your inbox every day!

You May Like

More From This Category

More From this Author