சென்னையில் இருந்து மதுரை, திருநெல்வேலி, கோவைக்கு சிறப்பு ரயில்கள்

தெற்கு ரயில்வே நேற்று வெளியிட்ட செய்திக் குறிப்பில் கூறியிருப்பதாவது:

மதுரை - சென்னை எழும்பூர் இடையே (வண்டி எண்.06020) சிறப்புக் கட்டண சிறப்பு ரயில் ஜூலை 1 மற்றும் 8-ம் தேதிகளில் இயக்கப்படுகிறது. இந்த ரயில் மதுரையில் இருந்து காலை 10 மணிக்குப் புறப்பட்டு மாலை 6.50 மணிக்கு சென்னை எழும்பூரை வந்தடையும். மறுமார்க்கத்தில் இந்த ரயில் (06019) ஜூலை 4 மற்றும் 11-ம் தேதிகளில் சென்னை எழும்பூரில் இருந்து காலை 6.15 மணிக்குப் புறப்பட்டு மாலை 3 மணிக்கு மதுரை சென்றடையும்.

சென்னை எழும்பூர் - திருநெல்வேலி இடையே (வண்டி எண்.06001) சிறப்புக் கட்டண சிறப்பு ரயில் வரும் ஜூலை 1-ம் இயக்கப்படுகிறது. இந்த ரயில் சென்னை எழும்பூரில் இருந்து இரவு 9.05 மணிக்குப் புறப்பட்டு மறுநாள் காலை 10.45 மணிக்கு திருநெல்வேலி சென்றடையும். மறுமார்க்கத்தில் இந்த ரயில் (06002) ஜூலை 3-ம் தேதியன்று திருநெல்வேலியில் இருந்து மாலை 5 மணிக்குப் புறப்பட்டு மறுநாள் காலை 5.20 மணிக்கு சென்னை எழும்பூரை வந்தடையும்.

கோவை - சென்னை சென்ட்ரல் இடையே (வண்டி எண்.06022) சிறப்புக் கட்டண சிறப்பு ரயில் வரும் ஜூலை 1, 8-ம் தேதிகளில் இயக்கப்படுகிறது. இந்த ரயில் கோவையில் இருந்து காலை 11 மணிக்குப் புறப்பட்டு இரவு 7.35 மணிக்கு சென்னை சென்ட்ரலை வந்தடையும். மறுமார்க்கத்தில் இந்த ரயில் (06021) ஜூலை 4, 11-ம் தேதிகளில் சென்னை சென்ட்ரலில் இருந்து காலை 9.30 மணிக்குப் புறப்பட்டு மாலை 6 மணிக்கு கோவை சென்றடையும்.

சென்னை சென்ட்ரல் - எர்ணா குளம் இடையே (வண்டி எண். 06005) சிறப்புக் கட்டண சிறப்பு ரயில் வரும் ஜூலை 1-ம் தேதி சென்னை சென்ட்ரலில் இருந்து இரவு 10.30 மணிக்குப் புறப்பட்டு மறுநாள் காலை 10.45 மணிக்கு எர்ணாகுளம் சென்றடையும்.

மறுமார்க்கத்தில் இந்த ரயில் (06006) ஜூலை 3-ம் தேதியன்று எர்ணாகுளத்தில் இருந்து இரவு 7 மணிக்குப் புறப்பட்டு மறுநாள் காலை 7.15 மணிக்கு சென்னை சென்ட்ரலை வந்தடையும். மேற்கண்ட ரயில்களுக்கான முன்பதிவு தொடங்கப்பட்டுள்ளது.

எர்ணாகுளம்-வேளாங்கண்ணி இடையே (வண்டி எண்.06016) சிறப்புக் கட்டண சிறப்பு ரயில் வரும் ஜூலை 7, 14-ம் தேதிகளில் எர்ணாகுளத்தில் இருந்து இரவு 8.10 மணிக்குப் புறப்பட்டு மறுநாள் காலை 9.30 மணிக்கு வேளாங்கண்ணி சென்றடையும்.

மறுமார்க்கத்தில் இந்த ரயில் (06015) ஜூலை 8, 15-ம் தேதிகளில் வேளாங்கண்ணியில் இருந்து மதியம் 2.20 மணிக்குப் புறப்பட்டு மறுநாள் காலை 4.15 மணிக்கு எர்ணாகுளம் சென்றடையும். மேற்கண்ட ரயில்களுக்கான முன்பதிவு தொடங்கப்பட்டுள்ளது.