இயக்குநர் பிரியதர்ஷன் - நடிகை லிசிக்கு விவாகரத்து வழங்கி சென்னை முதன்மை குடும்பநல நீதிமன்றம் நேற்று உத்தரவிட்டது.
மலையாளம், இந்தி, தமிழில் ஏராளமான திரைப்படங்களை இயக்கிய பிரபல இயக்குநர் பிரியதர்ஷன். ‘விக்ரம்’ படத்தில் கமலுக்கு ஜோடியாக நடித்த நடிகை லிசி. இவர்கள் இருவரும் காதலித்து கடந்த 1990-ல் திருமணம் செய்துகொண்டனர். இவர்களுக்கு 2 குழந்தைகள் உள்ளனர். கருத்து வேறுபாடு காரணமாக இருவரும் கடந்த 4 ஆண்டுகளுக்கு மேலாக பிரிந்து வாழ்ந்து வந்தனர்.
இந்நிலையில், இருவருக்கும் இடையே இருந்த சொத்துப் பிரச்சினை சென்னை உயர் நீதி மன்ற உத்தரவுப்படி சுமுகமாக முடிந்தது. இதைத் தொடர்ந்து, இருவரும் பரஸ்பர விவாகரத்து கோரி சென்னை முதன்மை குடும்ப நல நீதிமன்றத்தில் மனுதாக்கல் செய்தனர். இந்த வழக்கில் நேற்று தீர்ப்பளித்த நீதிபதி மேரி மரிய கிளிட்டா, இருவருக்கும் முறைப்படி விவாக ரத்து வழங்கி உத்தரவிட்டார்.