Published : 23 Aug 2016 08:33 am

Updated : 14 Jun 2017 18:06 pm

 

Published : 23 Aug 2016 08:33 AM
Last Updated : 14 Jun 2017 06:06 PM

நாமக்கல்லில் மக்கள் குறைதீர் நாளில் ஆட்சியரைத் தாக்க முயற்சித்தவர் கைது

நாமக்கல் மாவட்ட ஆட்சியர் அலுவலகத்தில் நேற்று மக்கள் குறைதீர் நாள் கூட்டம் நடைபெற்றது. மாவட்ட ஆட்சியர் மு.ஆசியா மரியம் தலைமை வகித்தார். பல்வேறு குறைகள் தொடர்பாக ஏராளமான மக்கள் வரிசையில் காத்திருந்து ஆட்சியரி டம் மனுக்களை அளித்தனர்.

மதியம் 12 மணியளவில் மனு அளிக்க வந்த நபர் ஒருவர், திடீரென தனது காலணியை எடுத்து ஆட்சியரைத் தாக்க முற்பட்டதாகக் கூறப்படுகிறது.


அதிர்ச்சியடைந்த மற்ற அலுவலர்கள் அவரை பாய்ந்து பிடிக்க முற்பட்டனர். அப்போது அவர் வீசிய காலணி மற்ற அலுவலர்கள் மீது விழுந்துள்ளது. இதனிடையே அங்கிருந்தவர்கள் அந்நபரை சுற்றி வளைத்துப் பிடித்து தாக்கியுள்ளனர்.

காவல் துறையினர் அந்நபரை மீட்டு விசாரணை நடத்தினர். விசாரணையில், ராசிபுரம் அருகே கட்டநாச்சம்பட்டியைச் சேர்ந்த ஜி.ஆறுமுகம்(55) எனவும், சித்த மருத்துவர் என்பதும் தெரியவந் தது.

தொழில் தொடங்க கடனுதவி கேட்டு பலமுறை மனு அளித் துள்ளார். எனினும், மனு ஏற்கப்படாததால் ஆத்திரத்தில், இதுபோன்ற நடவடிக்கையில் ஈடுபட்டது தெரியவந்தது.

சம்பவம் தொடர்பாக நல்லிபாளையம் காவல் துறையினர் வழக்கு பதிவு செய்து ஆறுமுகத்தை கைது செய்து நாமக்கல் கிளைச் சிறையில் அடைத்தனர்.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



மக்கள் குறைதீர் நாள்ஆட்சியரைத் தாக்க முற்பட்டவர்ஆறுமுகம் கைது

Sign up to receive our newsletter in your inbox every day!

You May Like

More From This Category

More From this Author