Published : 12 Mar 2019 11:32 am

Updated : 12 Mar 2019 11:39 am

 

Published : 12 Mar 2019 11:32 AM
Last Updated : 12 Mar 2019 11:39 AM

அரசியல் பிரபலங்கள் பற்றி நாஞ்சில் சம்பத் ‘நச்’ கமென்ட்ஸ்

அரசியலின் முக்கியப் பிரபலங்கள் பற்றி ‘நச்’ கமென்ட்ஸ் தந்துள்ளார் நாஞ்சித் சம்பத்.

‘இந்து தமிழ்திசை’க்கு நாஞ்சில் சம்பத் அளித்த சிறப்புப் பேட்டியில், முக்கிய அரசியல் பிரபலங்கள் சிலரின் புகைப்படங்களைக் காண்பித்து, கமென்ட்ஸ் கேட்கப்பட்டது.


அதற்கு அவர் அளித்த பதில்...

கருணாநிதி - சந்தனத் தமிழின் சிந்தனை ஊற்று. கால்கொண்டு நடந்த கலிங்கத்துப் பரணி.

ஜெயலலிதா - நடக்க முடியாத கடல் அலையின் பெருமுழக்கம். விலக்க முடியாத விரிவானம்.

ராகுல் காந்தி - நேரு குடும்பத்தின் மிச்சமாக இருக்கக்கூடிய ஒற்றை ரோஜா. இவனே இந்தியாவின் இன்றைய நம்பிக்கை.

எடப்பாடி கே பழனிசாமி - முதலமைச்சர் என்ற அதிகாரத்தில் இருப்பது, வியாபாரம் செய்வது என்று கருதுகின்ற வித்தியாசமான முதலமைச்சர்.

நரேந்திர மோடி - இந்தியாவின் கோபுரப் பெருமையை குட்டிச் சுவராக்கியவர்.

கமல்ஹாசன் - அரசியலை பொழுதுபோக்குக்கும் பயன்படுத்த முடியும் என்று சமீப காலமாக நிரூபித்துக் கொண்டிருப்பவர்.

விஜயகாந்த் - நலிவுற்றிருக்கிறார். ‘வைதேகி காத்திருந்தாள்’ படத்தில் நான் பார்த்த விஜயகாந்தை, நாளைக்கும் பார்க்க ஆசைப்படுகிறேன்.

திருமாவளவன் - ஒடுக்கப்பட்ட மக்களின் உரிமைக்காக, பருவ சுகங்களை மறந்து உழைக்கிற ஒரு கர்மயோகி.

ஓ.பன்னீர்செல்வம் - காலில் விழுந்தே காரியம் சாதிக்கிறவர்.

சீமான் - தமிழ்த் தேசியத்துக்கும், திராவிடத் தேசியத்துக்கும் வித்தியாசம் தெரியாமலேயே அரசியல் பண்ணுகிற அபூர்வ மனிதர்.

சசிகலா - சுகங்களுக்கு அடிமையுறாத சூரியப் பருந்து.

மு.க.ஸ்டாலின் - நூறாண்டு காணுகிற திராவிட இயக்கத்தின் முகம்.

ரஜினிகாந்த் - நல்ல நடிகர்.

அன்புமணி - நேவாதேவி அரசியலுக்கு இப்போது வடிவம் தருகிற வேலையைப் பார்க்கிறார்.

தமிழிசை - தமிழக அரசியலில் தொங்கு சதை.

டிடிவி தினகரன் - திசை தெரியாமல் தவிக்கிறவர்.

எச்.ராஜா - வாயில் கூவத்தை வைத்திருக்கிறவர்.

கனிமொழி - கலைஞரின் அரசியல் வாரிசாகவும், இலக்கிய வாரிசாகவும் பரிணமிக்கிறவர்.

வைகோ - மானத் தமிழர்களின் ஞானம் பாடி.

தமிழருவி மணியன் - 100 சதவிகிதப் போலி.

உதயநிதி ஸ்டாலின் - திரை நட்சத்திரம். முரசொலிக்கு இப்போது இவரே முகமாக இருக்கிறார்.

நாஞ்சில் சம்பத் - அதிமுகவில் இருந்த சம்பத். அதை மறக்க விரும்புகிறேன்.


நாஞ்சில் சம்பத்சசிகலாகனிமொழிநரேந்திர மோடிதிருமாவளவன்தமிழிசைஉதயநிதி ஸ்டாலின்ஸ்டாலின்எச்.ராஜா

Sign up to receive our newsletter in your inbox every day!

You May Like

More From This Category

More From this Author