கஜா புயல்: ரயில்சேவை கடும் பாதிப்பு; பாதியில் நின்றதால் பயணிகள் அவதி

‘கஜா’ புயலினால் தமிழகத்தின் பெரும்பாலான மாவட்டங்களில் ரயில் போக்குவரத்தும் கடுமையாக பாதிக்கப்பட்டுள்ளதாக தெற்கு ரயில்வே  தெரிவித்துள்ளது.

தெற்கு ரயில்வே துறையின் திருச்சி கோட்டம் வெளியிட்டுள்ள இன்று ரத்து செய்யப்பட்ட ரயில்கள் விவரம் வருமாறு:

56115/56116 மயிலாடுதுறை - தஞ்சாவூர் - மயிலாடுதுறை பாசஞ்சர்

56824 - திருச்சி- மயிலாடுதுறை பேசஞ்சர்

56871/56872 - மயிலாடுதுறை- திருவாரூர்- மயிலாடுதுறை பாசஞ்சர்

76807/76808 - திருச்சி- மானாமதுரை- திருச்சி பாசஞ்சர்

76840- காரைக்குடி- திருச்சி பாசஞ்சர்

வழியிலேயே நிறுத்தப்பட்ட ரயில்கள்

மைசூர்- மயிலாடுதுறை எக்ஸ்பிரஸ்  (16232)  தஞ்சாவூரிலேயே நிறுத்தப்பட்டது.

எர்ணாகுளம்- காரைக்கால் எக்ஸ்பிரஸ் (16188) தஞ்சாவூரிலேயே நிறுத்தப்பட்டது.

கோவை - மன்னார்குடி எக்ஸ்பிரஸ் (16616) தஞ்சாவூரிலேயே நிறுத்தப்பட்டது.

மாற்றுப்பாதையில் செல்லும் ரயில்கள்

திருச்செந்தூர் சென்னை எழும்பூர் செந்தூர் எக்ஸ்பிரஸ்  (16106) திருச்சி விருதாச்சலம்  விழுப்புரம் வழியாக செல்கிறது

திருச்சி சென்னை எழும்பூர் சோழன் எக்ஸ்பிரஸ் (16796/16795)  திருச்சி விருதாச்சலம் விழுப்புரம் வழியாக செல்கிறது.

திருச்சி - காரைக்குடி, விருதுநகர் வழியாக செல்லும் அனைத்து ரயில்களும் ரத்து செய்யப்பட்டுள்ளன.

திருவனந்தபுரம் - மும்பை ரயில் கொடை ரோடு ரயில்நிலையத்தில் 2 மணிநேரம் தாமதமாக நிறுத்திவைக்கப்பட்டது.

இவ்வாறு திருச்சி ரயில்வே கோட்ட செய்திக்குறிப்பு தெரிவிக்கிறது.

‘கஜா’ புயலின் தாக்கத்தின்ல் ரயில்கள் ரத்துசெய்யப்பட்டும், பாதியில் நிறுத்தப்பட்டும் மாற்றுப் பாதையில் திருப்பிவிடப்பட்ட நிலையில் பயணிகள் மிகுந்த அவதிக்குள்ளாகினர்.